Nikolaj Gurbanovi është krejt i ri, në shtator mbush 18 vjeç. Ka lindur në Varna, si fëmijë këndon në Korin e Djemve të Varnas “Tingujt e detit”. Në shkollën fillore merret dhe me valle popullore bullgare, pastaj i bie fizarmonikës në një kurs muzikor pranë Shkollës muzikore të qytetit të lindjes. Ka mbaruar Gjimnazin e Shkencave Humanitare dhe të Arteve në Varna në specialitetin “Muzika popullore”. Prej vitit të kaluar është student në Akademinë e Arteve Figurative, Muzikore e të Vallëzimit në qytetin Plovdiv. Është solist i Korit Akademik. Nikolaj është një organizator shumë aktiv i projekteve të ndryshme në fushën e trashëgimisë muzikore. Për veprimtarinë e tij aktive dhe për arritjet si interpretues tashmë ka fituar shumë dekorata. Ka incizuar një album me vete si dhe një përmbledhje këngësh popullore.
Daniela Andreeva –Kremov nuk futet në përfytyrimet standarde për një këngëtare popullore. Qysh nga mosha më e hershme mëson muzikë – njëkohësisht klasike dhe popullore. Ka lindur në qytetin Vetovo, Bullgari Verilindore, në një familje ku respektohen traditat muzikore. Gjyshi i saj ka drejtuar shumë kolektiva amatore muzikore, nënën e ka interpretuese shumë të mirë të këngëve “kapane”, nga fshati i saj i lindjes, gjithashtu në Bullgarinë Veriore. Nga kjo krahinë janë edhe këngët, të cilat Daniela i incizoi për Radion Kombëtare Bullgare. Të gjitha ato janë aranzhuar nga Angjel Dobrevi – një prej solistëve të Ansamblit të Këngëve Popullore të Radios Kombëtare Bullgare. Daniela ka mbaruar Shkollën kombëtare të arteve folklorike “Filip Kutev” në qytetin Kotel. Ka marrë pjesë në konkurse dhe festivale folklorike. Në vitin 1997 bën hapat e saj të parë në muzikën “pop”. Merr pjesë dhe në programe televizive si talent i ri. Më vonë këndon muzikë të lehtë në stile të tjera. Vazhdon të interpretojë dhe këngë folklorike, nga ndonjë herë në aranzhime moderne. Daniela ka katër fëmijë, kurse bashkëshorti i saj gjithashtu rrjedh nga një familje muzikore – është nip i këngëtarit popullor në zë Ivan Kremov. Gjatë viteve të fundit interpretuesja punon si përkthyese dhe mësuese e gjuhës angleze në qytetin bregdetar Pomorie. Aktualisht punon dhe mbi një projekt të ri – të incizojë të gjitha këngët “kapane” që i ka mbledhur nga njerëzit e moshuar.
Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në..
Pjesërisht me re
Vranësira të ndryshueshme mundësi për reshje shiu
Vranësira të dendura