Të rinj u ndihmojnë njerëzve të moshuar dhe invalidëve

botuar më 13-07-30 10.54.PD

Bullgaria është mes vendeve në Bashkimin Evropian me popullsi që plaket progresivisht. Sipas të dhënave të Institutit Kombëtar të Statistikave në fund të vitit 2012 njerëzit 65 e më shumë vjeç përbëjnë 19 për qind nga popullsia. Bullgaria është një nga pesë vendet në Bashkimin Evropian me përqindje më të lartë të njerëzve të moshuar.

Për shkak të migracionit të brezave më të rinj jo pak nga njerëzit e moshuar janë të vetmuar, me probleme shëndetësore dhe kanë nevojë për ndihmë. “Mirësia është falas, që të gjithë mundim të bëjmë mirë”, kjo është motoja e një grupi të rinjsh nga qyteti Gorna Orjahovica, të cilët janë mbledhur të ndihmojnë dhe të dhurojnë shpresë dhe gëzim të varfërve, të sëmurëve dhe njerëzve të vetmuar të moshuar.

Lëço, Ivelina, Ralica, Eleonora dhe bashkëmendimtarët e tjerë sportisti Rumen Dimitrov dhe shkrimtari Hristo Hristov janë në themel të grupit të formuar në internet “Me besim tek e mira”, e cila ka ambicion të kalojë në një organizatë joqeveritare. Iniciator për krijimin e grupit është Llëçezar Ljubenov, por ai tregon se, deri përpara se të takohet me shokët e vet, secili prej tyre tanimë i është përkushtuar në ndonjë farë mënyre bamirësisë. Dy nga vajzat në grup – Ralica dhe Ivelina u kanë ndihmuar invalidëve. Vetë Llëço ka marrë përsipër iniciativën për pastrim dhe renovim të Kishës “Shën Nikolla” në qytetin Gorna Orjahovica. Kisha u braktis totalisht. Llëçezari dhe shokët e tij e kanë pastruar, kurse përmes koncerteve kanë mbledhur para edhe për renovim. Shfaqja e parë e përbashkët e Llëços dhe e miqve të tij nga grupi “Me besim në të mirën” ka qenë aksioni për mbledhjen e mjeteve dhe të ushqimit për njerëzit e varfër dhe nënat e vetmuara. Vetëm për 5 ditë entuziastët kanë mbledhur më shumë se 300 euro. Me ndihmën e një dyqani vendas ushqimor janë përgatitur dhe paketa me produkte ushqimore: prodhime prej brumi, ëmbëlsira, vaj, sheqer e të tjera. Një firmë vendase për prodhim të sallameve po kështu u ka dhuruar dhe sallame, të cilat po kështu janë përfshirë në paketat.

Njerëzit të cilët i morën ndihmat u zgjedhën nga nëpunësit e zyrave sociale. Aksioni i të gjashtëve ka shkaktuar një emocion të madh dhe lot gëzimi në sytë e njerëzve të moshuar dhe nënave të cilët vet kujdesin për fëmijët. Llëçezari dhe shokët e tij nuk fshehin dhe hidhërimin e vet, se krahas me njerëzit të cilët i shikojnë pozitivisht nismat e tyre, ka dhe të tillë të cilët i shikojnë me përbuzje dhe indiferencë, bile dhe me skepticizëm. Mirëpo për vullnetarët e rinj e rëndësishme është mirënjohja dhe fakti se kanë shansin t’u ndihmojnë nevojtarëve.

Përgatiti në shqip: Nataniela Vasileva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Të rinj u ndihmojnë njerëzve të moshuar dhe invalidëve

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?