Shkallëzimi i protestave në Sofje – sprovë për shoqërinë dhe politikanët

botuar më 13-07-24 10.46.PD

Foto: EPA/BGNES

Në ditën në të cilën Partia GERB u kthye në Parlament, që të mund t’i kundërvihet projektit qeveritar për aktualizimin e buxhetit, protestat në Sofje u shkallëzua deri në dhunë. Për shkak të tensionit të lartë rreth Parlamentit, sot nuk do të ketë mbledhje. Situata kritike vendosi shoqërinë dhe politikanët përpara sprovave serioze.

Ajo që ndodhi gjatë natës 40 ditë pas fillimit të protestave është jotipike për to. Deri tani protestat kalonin qetë me pak incidente. Skenat e natës nëpër rrugët e Sofjes ishin shokuese për qytetarët. U krijua përshtypja se, mbase një kategori e caktuar njerëzish shfrytëzuan këmbënguljen e të dyja palëve në konfliktin shoqëror, që të mund ta shkallëzojnë tensionin mes tyre. Sot ky tension mbetet – protestuesit po vazhdojnë të kërkojnë dorëheqjen e qeverisë dhe zgjedhje të parakohshme, kurse qeveritarët nuk i dëgjojnë. Ngjarjet nga nata tregojnë se, kjo nuk mund të vazhdojë dhe se duhet të kërkohet rrugëdalje.

Një rrugëdalje e mundshme u propozua në Sofje disa orë përpara dhunës nga komisionarja evropiane për drejtësinë dhe zëvendës-kryetare e Komisionit Evropian Vivian Reding. Ajo u bëri thirrje të gjitha forcave politike të kërkojnë dialog dhe konsensus në emër të stabilitetit dhe të prosperitetit të shtetit. Apele të ngjashme bëri tanimë disa herë me radhë dhe presidenti Rosen Plevneliev, por dialog nuk ka. Me gjithë atë ai duhet të zhvillohet nga njëra anë në mes të partive, kurse nga ana tjetër midis partive dhe institucioneve me protestuesit, të cilët refuzojnë të identifikohen me ta. Pavarësisht nga kthimi i partisë GERB në Parlament, dita parlamentare gjatë ditës së martë tregoi se, shans për dialog midis saj dhe qeveritarëve tani për tani nuk ka. Për shkak të tensionit rreth Parlamentit, me rekomandim nga kryetari i tij, ditën e mërkurë ai nuk punon, por nuk dihet se deri kur kjo gjendje mund të zgjasë.

Mundësi për dialog ka në kuadrin e Këshillit Konsultativ mbi Sigurinë Kombëtare pranë presidentit, ku sipas ligjit janë përfaqësuar të gjitha grupet parlamentare dhe institucionet kyçe. Apel për mbledhjen e këshillit drejtoi Partia GERB.

Akoma më e ndërlikuar është çështja për dialog me protestuesit të cilët edhe deri më sot nuk kanë një përfaqësues legjitim, me të cilin partitë dhe institucionet të bisedojnë.

Bullgaria po përjeton një situatë paprecedente, për zgjidhjen e së cilës është e vështirë të gjendet rrugëdalja. Është e mundur që mbase ngjarjet gjatë ditëve të ardhshme të çojnë deri në zgjidhjen e mundshme.

Përgatiti në shqip: Nataniela Vasileva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Shkallëzimi i protestave në Sofje – sprovë për shoqërinë dhe politikanët

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?