“Më ka ndodhur të gjendem në qoshen tjetër të botës dhe të takoj nxënës të mi të cilët janë bërë shefa të institucioneve të mëdha shkencore në SHBA ose diku tjetër”, thotë Teodosij Teodosiev. Ky i fundit është fizikan i njohur nga qyteti Kazanllëk të Bullgarisë Qendrore. Më se 33 vjet ai çon nxënësit në thelbin e shkencës. “Fillimisht, nuk kam ëndërruar për fizikën. Më tepër desha të bëhesha poet ose piktor i madh”, pohon Teodosij. Ai ka talent të merret me fëmijët, duke tërhequr vëmendjen e tyre. Dy vjet pasi është emëruar mësues, një nxënës i tij ka merituar medaljen e artë në Olimpiadën Ndërkombëtare të Fizikës. 22 vjet me radhë fituesit e garave të fizikës në Bullgari janë nxënës të tij, ka përgatitur 8 nga 11 fituesit bullgarë të arit në Olimpiadat Ndërkombëtare.
“Fillimisht, desha të bëhesha mësues për të pasur më shumë kohë të lirë dhe të përkushtohem në art – kujton Teodosij. – Mirëpo, doli se përgatitja e një fëmije në nivel botëror kërkon përkushtim të plotë dhe përbën një art më vete. Nuk kam kohë për veten time, bile punoj dhe fundjavën dhe nuk shkoj fare në pushime.”
Teodosij Teodosiev është pedagog në Gjimnazin e Matematikës dhe të Shkencave Natyrore në qytetin e Kazanllëkut. Po ashtu bën dhe një shkollë të fizikës. Çdo vit në të mësojnë nga 150 deri në 200 nxënës. “Fëmija kur të mësojë të zgjidhë problemën e vështirë, pa problem do të realizohet në çfarëdo fushe, sepse do të jetë përvetësuar më të vështirën”, sqaron pedagogu. Shkollat verore të fizikës vizitohen dendur. Vajzat dhe djemtë zgjedhin problema gjithë ditën. “Shpeshherë kandidatët kalojnë mbi kapacitetin e bazës – thotë fizikani. –Në SHBA, p.sh., fizika është lëndë me zgjedhje. Fëmijët amerikanë mësojnë sipas sistemit të pikëve dhe nxënësit kur të mbledhin pikët përkatëse, e marrin arsimin e mesëm. Më shumë pikë siguron fizika, por nxënësit rrallëherë e zgjedhin atë sepse është mes lëndëve më të vështira. Në të vërtetë, fizika është një shkencë e vështirë. Për mendimin tim lënda duhet të jepet në mënyrë interesante. Kjo është punë e artit dhe psikologjisë. Shkencëtarët duhet t’i bëjnë reklamë fizikës, kështu që të perceptohet pamja e saj tërheqëse. Më duket se unë e bëj atë.”
Shpesh thuhet me ironi se njerëzit në Maqedoninë e Veriut marrin nënshtetësinë bullgare vetëm për qëllime egoiste. Prandaj, në regjistrimin e fundit zyrtar në shtetin fqinj u regjistruan vetëm 3504. Demografi Doc. Spas Tashev është i bindur se ky nuk..
Para zgjedhjeve presidenciale në SHBA, jo vetëm amerikanët janë të emocionuar. Edhe evropianët po presin me frymë të lodhur rezultatet – a do të sillte vërtet një fitore për Kamala Harris zhvillimi i një politike të qëndrueshme, a është Europa gati..
Zoti i ka dhuruar njeriut cilësinë e madhe - të ëndërrojë, dhe ne ëndërronim që pikërisht këtu, në Muzeun Getty, të dëgjonim në bullgarisht për hapjen e një ekspozite të jashtëzakonshme, një ekspozitë kushtuar një populli të lashtë, një ekspozitë që flet..
Para zgjedhjeve presidenciale në SHBA, jo vetëm amerikanët janë të emocionuar. Edhe evropianët po presin me frymë të lodhur rezultatet – a do të..
Shpesh thuhet me ironi se njerëzit në Maqedoninë e Veriut marrin nënshtetësinë bullgare vetëm për qëllime egoiste. Prandaj, në regjistrimin e fundit..
Zoti i ka dhuruar njeriut cilësinë e madhe - të ëndërrojë, dhe ne ëndërronim që pikërisht këtu, në Muzeun Getty, të dëgjonim në bullgarisht për hapjen e një..
Pjesërisht me re
Mot i kthjellët