Sistemi shëndetësor bullgar vuan nga mungesa e kuadrove

botuar më 13-05-14 8.52.PD

Në Bullgari gjithnjë e më shumë ndihet mungesa e infermiereve dhe asistentëve mjekësorë. Studentët e mjekësisë gjithnjë e më rrallë zgjedhin për të mësuar për këto dy profesione, kurse ata të cilët janë të përgatitur punësohen jashtë vendit.

Profesioni “asistent mjekësor” duhet të aplikohet sa më shpejtë. Për këtë këmbëngulin nga Bashkimi i Asistentëve Mjekësorë. Në bazë të kësaj mënyre sipas tyre do të rehabilitohet profesioni i asistentit mjekësor. “Që nga viti 2000 nuk arsimohen kuadro të tilla”, njoftoi kryetari i bashkimit Aleksandër Aleksandrov. Sipas fjalëve të tij, mosha mesatare e punonjësve si asistent mjekësor është mbi 50 vjeç. Propozim për futjen e statusit të profesionit “asistent mjekësor” tanimë është parashtruar në ministrinë Shëndetësore. “Ky profesion praktikohet në të gjithë botën dhe futja e tij në Bullgari do të zgjidhë shumë nga problemet lidhur me mungesën e kuadrove”, janë të bindur asistentët mjekësorë. Ndaj momentit në vend ka 4 000 veta me këtë profesion, 1500 prej tyre punojnë në qendrat e ndihmës së shpejtë. Mjaft e rëndë është gjendja në qytezat e bogla ku një asistentit mjekësor i bien mbi 1000 veta dhe ku njerëzit mbështetet vetëm tek ai për një ndihmë të shpejt mjekësore.

“Sipas nesh asistentët mjekësorë duhet të kenë prioritet, për shembull ne kabinetet mjekësore të shkollave dhe kopshteve – është i mendimit z. Aleksandër Aleksandrov. – Ky është një profesion në të cilin jepet një ndihmë mjekësore, dhe jo shëndetësore, siç është e shkruar në legjislacionin tonë të koklavitur. Ata mund ta zhvillojnë veprimtarinë e tyre profilaktike, për shembull te sëmundjet kronike. Të vërejnë rritjen e fëmijëve, të kujdesen për parandalimin, të propagandojnë mënyrën shëndetësore të jetesës. Dhe më e rëndësishmja: gjatë situatave urgjente të japin një ndihmë adekuate mjekësore, të cilën mbase nuk do të mund ta japë infermierja për shembull.”

Penka Vraçeva është nga qyteti Stara Zagora. Ajo është asistente mjekësore me një stazh pune 28 vjeçare, 17 nga të cilat në shëndetësinë shkollore dhe fëmijërore. Punon në një dikaster shkollor me 700 nxënës. “Duke folur për rolin e asistentit mjekësor në kabinetet shëndetësore, unë mendoj se, ai është jashtëzakonisht i rëndësishëm, me qenë se të gjithë e dimë se niveli i kulturës shëndetësore e bullgarit nuk është në lartësinë e duhur. Ne mendojmë se, ndërtimi i këtij tipi kulture duhet të bëhet pikërisht në moshën shkollore. Kjo është koha në të cilën duhet të krijohen dhe të formohen vetitë higjienike, të krijohet kultura e ushqimit, të punës dhe pushimit e kështu me radhë. Asistenti jo vetëm që punon për arsimin shëndetësor të fëmijëve, por dhe në situata kritike duhet të marrë vendime të shpejta, të cilat janë me një përgjegjësi të madhe. Përvoja ime e dëshmon këtë. Nganjëherë, kur komentohet dhënia e ndihmës së parë deri në ardhjen e ekipit, për njerëzit gjerat duken të thjeshta: ka incident, telefonojmë në numrit urgjentë dhe gjërat rregullohen. Në fakt, nuk është kështu, sepse ka jo pak raste kritike, në të cilat duhet të reagohet jashtëzakonisht shpejt. Flasim për jetën dhe shëndetin e fëmijëve dhe në qoftë se profesionalisti mjekësor ka përgatitjen e nevojshme dhe përvojë, mund të bjerë në një situatë mjaft të rëndë. Profesioni është jashtëzakonisht përgjegjës. Mjerisht, numri i asistentëve mjekësorë po pakësohet. Ne si staf, si numër bëhemi gjithnjë e më pak.”

Përgatiti në shqip: Nataniela Vasileva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Sistemi shëndetësor bullgar vuan nga mungesa e kuadrove

Më shumë nga rubrika

Për përulësinë ndaj iluministëve dhe dimensionin bashkëkohor të iluminizmit

Persona me vështirësi mendore prezantojnë në fotot "Histori arkitektonike nga Sofja e Vjetër"

Një peticion insiston për shpalljen e rezervatit të parë detar në Bullgari

Bullgarët e vetëshpallur në Maqedoninë e Veriut janë shumë më tepër se ata të regjistruar

Si do të ndikojë në BE rezultati i zgjedhjeve presidenciale në SHBA

WWF - Bullgaria nis fushatën e donacioneve "Abonohu për natyrën"