Formacioni “Bogdan Trio”: Në ritmin e flamengos ballkanike

botuar më 13-03-20 10.31.PD

Foto: arkiv

AUDIO

Update Required To play the media you will need to either update your browser to a recent version or update your Flash plugin.

Para pak kohe në Radion Kombëtare Bullgare u zhvillua një koncert i formacionit “Bogdan Trio”. Grupi u krijua gjatë vitit 2008 nga vëllezërit Nedko dhe Dimitër Bogdanovi. Solistja e trios është Ani – bija e vëllait më të madh Dimitër. Vajza 21 vjeçare është mbajtëse e një sërë çmimesh prestigjioze, ndër të cilat janë medalja e artë e konkursit folklorik “Dhurata e Orfeut” gjatë vitit 2007, çmimi i parë i festivalit për muzikë dasmore në qytetin Radnevo të Bullgarisë Jugore nga viti 2009 etj.

Më shumë hollësi për trion do të mësojmë nga Dimitër Bogdanovi: “Pasioni më i madh i vëllait tim Nedko Bogdanov mbeti fizarmonika, megjithëse ka mbaruar shkollën muzikore për klarinetë në Kërxhali të Bullgarisë Jugore dhe Shkollën e mesme muzikore “Filip Kutev” në qytetin e Kotelit (Bullgari Lindore) në degën e fyellit. Bashkë me të kompozojmë këngët, kurse vajza ime Ani i interpreton. Nganjëherë edhe unë merr pjesë në interpretimin e tyre. Edhe unë, si vëllai im, kam mbaruar Shkollën e Kotelit, por në degën e këndimit folklorik. Baza e krijimtarisë sonë është muzika popullore, e gërshetuar me elemente të stilit xhaz dhe ritme gazmore latine. Prandaj, po të duhet të flasim për stilin e veprave tona, do ta quaja “flamengo ballkanike”. Emrin e formacionit tonë e dha nga fyelltari i njohur Teodosi Spasov. Ka shumë kohë që njihemi me të – kemi mbaruar shkollën muzikore në Kotel dhe jemi miq të mirë.” Fyelltari virtuoz shkroi anotacionin pranë albumit të tyre të vetëm “Djali me biçikletën”. Sipas fjalëve të tij “Trioja krijon dhe paraqet pjesët e saj me shije të jashtëzakonshme dhe ndjenjë të bukur humori...”

“Bogdan Trio” realizon veprimtari aktive muzikore në vend dhe jashtë. Kanë marrë pjesë në programe të Televizionit Kombëtar Bullgar dhe në koncerte me Orkestrën për Muzikë Popullore pranë Radios Kombëtare Bullgare. Ja se çfarë tregon Dimitër Bogdanov për aktivitetin e fundit të përbashkët: “Në koncertin tonë të fundit më 21 shkurt në Radion Kombëtare Bullgare paraqitëm nëntë pjesë, kishim dhe interpretime solo – unë këndova katër prej tyre. Ani këndoi dy këngë, kurse Nedko interpretoi dy instrumentale. Unë jam autori i muzikës dhe i disa prej teksteve të këngëve të kompozuara në traditën e këndimit popullor trak. Përshtypjet e mia nga Orkestra për Muzikë Popullore pranë Radios Kombëtare Bullgare janë të shkëlqyeshme. Për herë të parë pata mundësinë për të punuar me të së bashku para tri vitesh. Desha të përshëndes dirigjentin Dimitër Hristov për devotshmërinë e tij të madhe.”

Krahas pjesëmarrjeve të trios në koncerte dhe festivale të ndryshme “Bogdan Trio” para pak kohe pasuroi repertorin e vet. “Nuk shpejtojmë të incizojmë album të ri, megjithëse tashmë disponojmë material të mjaftueshëm, që mund të përfshijmë në të – thotë Dimitër Bogdanov. “Ende nuk kemi vendosur nëse ai do të përbëhet vetëm prej projekteve tona apo jo. “Bogdan Trio” është një formacion i hapur – jemi të gatshëm të punojmë me njerëz të ndryshëm, në qoftë se ata janë profesionistë të mirë.”

Përgatiti në shqip: Vesella Mançeva

По публикацията работи: Monika Aleksandrova

Последвайте ни и в Google News Showcase, за да научите най-важното от деня!

Ndaje

Formacioni “Bogdan Trio”: Në ritmin e flamengos ballkanike

Më shumë nga rubrika

Kottarashky prezanton filmin "Kutia e zezë ballkanike" në Berlin

Një surprizë për publikun bullgar – koncerti i parë i përbashkët i violinistit austriak Rainer Honeck dhe pianistes Pllamena Mangova

"Perëndo, perëndo, o diell i ndritshëm" – një nga këngët e përjetshme të Bullgarisë