Këshilli i Evropës pranoi vërejtjet e Bullgarisë lidhur me bisedimet për anëtarësimin e Maqedonisë në BE

botuar më 12-12-12 11.45.PD

Foto: EPA/BGNES

Në mbledhjen e Këshillit të Evropës që u mbajt të martën në Bruksel ministrat e jashtëm të 27 vendeve anëtare të BE-së nuk u pajtuan për një datë të caktuar të fillimit të bisedimeve për anëtarësimin e Maqedonisë në BE. Bullgaria u gjet në grupin e kundërshtareve dhe Këshilli pranoi vërejtjet e bëra kundër fqinjës së saj jugperëndimore.

Këshilli i Evropës mori vendim ta shpallë datën e bisedimeve eventuale në kuadër të kryesisë së vijueshme të BE-së gjatë periudhës janar-korrik. Komisionit Evropian do t’i paraqitet një raport gjatë pranverës së vitit të ardhshëm dhe në bazën e tij do të diskutohet çështja e anëtarësimit të Maqedonisë. Raporti duhet të paraqesë realizimin e reformave në kontekstin e dialogut të nivelit të lartë si dhe hapat e ndërmarrë në lidhje me përmirësimin e marrëdhëniet ndërfqinjësore. Po ashtu duhet të merret ndonjë vendim reciprok nën egjidën e OKB-së për sa i përket çështjes së emrit të Maqedonisë.

Në mbledhje Bullgaria doli me një deklaratë ku vuri në dukje dyshimet për marrëdhënie të mira me Maqedoninë. Sërish u formuluan pritjet e Sofjes për bisedime reciproke në bazë të deklaratës së firmosur nga dy kryeministrat gjatë 1999-ës. Kjo e fundit ka të bëjë me mbajtjen e marrëdhënieve të mira ndërfqinjësore dhe krijimin e një mekanizmi të bashkëpunimit të forcuar dypalësh. Kërkesat e marrëdhënieve të mira midis dy vendeve dhe të pajtimit për sa i përket çështjes së emrit ishin të shtruara ndaj Maqedonisë nga Këshilli i Evropës gjatë 2008-ës. Fakti se u morën parasysh vërejtjet e Bullgarisë dëshmon që Maqedonia nuk ka përparuar aspak gjatë këtyre katër viteve. Kohën e fundit Sofja vazhdimisht ka paralajmëruar Shkupin se përkrahja bullgare në fillimin e bisedimeve për anëtarësim nuk është pa kushte. Këto paralajmërime ishin të drejtuara edhe në nivel më të lartë. Derisa ministrat e jashtëm ishin të mbledhur në Bruksel, presidenti Rosen Plevneliev dhe kryeministri Bojko Borisov deklaruan se në seancën e Këshillit të Evropës që vijon të enjten Bullgaria përsëri do të renditet mes vendeve të cilat nuk do të caktojnë një datë fillimi të bisedimeve për anëtarësimin e Maqedonisë në BE. Dy liderët bullgarë rikonfirmuan përkrahjen e perspektivës evropiane të Maqedonisë, por kjo përkrahje ka të bëjë me plotësimin e kritereve të anëtarësimit, mes të cilave vend të rëndësishëm zënë marrëdhëniet e mira ndërfqinjësore.

Ministri Bullgar i Punëve të Jashtme, z. Nikollaj Mlladenov, komentoi se rruga e Maqedonisë drejt BE-së varet nga vetë ajo dhe shpejtësia me të cilën ecën ka të bëjë me respektimin e vendimeve të Këshillit të Evropës.

Mirëpo, reaksionet në mediat maqedonase ndaj ndodhisë në Bruksel treguan se andej nuk janë dakord me argumentet e Bullgarisë. Bullgaria fajësohet për gjendjen e pasuksesshme të Maqedonisë në rrugën e saj të integrimit evropian. Në media u nxorën tituj si “Bullgaria i bëri varrin Maqedonisë” ose “Bullgaria është kundërshtare kryesore e integrimit të Maqedonisë në BE”. Këto komente janë jo adekuate dhe vetëm e konfirmojnë fushatën kundër bullgarëve në disa shtresa shoqërore në Maqedoni. Maqedonia ka probleme jo vetëm me Bullgarinë. Data e startit të bisedimeve me BE-në nuk do të caktohej bile vetëm Greqia të kundërshtonte emrin e Maqedonisë. Kundër caktimit të datës ishte edhe Franca dhe Gjermania. Në fakt, rreth vërejtjeve të Bullgarisë u bashkuan të gjithë ministrat e jashtëm të vendeve të BE-së. Shtyrja e bisedimeve me disa muaj nuk është dramë dhe në vend të reaksioneve të pakuptimta të Maqedonisë, kjo e fundit duhet të përqendrohet në vërejtjet që iu bënë në Bruksel.

Përgatiti në shqip: Anna Kapitanova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Këshilli i Evropës pranoi vërejtjet e Bullgarisë lidhur me bisedimet për anëtarësimin e Maqedonisë në BE

Më shumë nga rubrika

Ngjarjet me adresë ballkanike

7 parti në parlamentin e ri, 7 pikëpamje për qeverisjen e ardhshme

Prof. Ognjan Gerxhikov: Ka ardhur koha për një ndryshim në sistemin zgjedhor dhe për shfaqjen e një projekti të ri politik kuptimplotë