Bullgaria zgjodhi këngën e vet për Evrovizionin 2012. Shouja u zhvillua më 29 shkurt në Pallatin Kombëtar të Kulturës dhe mblodhi adhuruesit e muzikës bullgare. 12 këngë qenë në garë. Fituese u bë kënga “Dashuria nuk ka kufi” e cila fitoi më shumë zëra – një përmbledhje nga vota e spektatorëve dhe të jurisë të konkursit.
Autorë të muzikës dhe të aranzhimentit janë Jasen Kozev dhe Krum Gjeorgjiev, të cilët kanë shkruar një sërë hitesh bullgare gjatë viteve të fundit. Teksti është i Doni Vasilevit një autor i njohur në gjinin pop-follk. Kënga tingëllon në interpretim të Sofi Marinovës, e njohur akoma si “bilbili rom”. Këngëtarja e cila është rome për nga prejardhja, është një nga përfaqësueset më të njohura të pop follk muzikës në Bullgari. Zëri i saj është shumë interesant, me diapazon i cili përfshin 5 oktava. Një markë e saj e ruajtur janë këngët cigane. Ajo ka një përvojë të pasur – tanimë 20 vjet këndon nëpër skena të mëdha dhe të vogla. Kjo është pjesëmarrja e saj e tretë në konkursin “Kënga bullgare në Evrovizion”.
Sofi Marinova dhe një ekip i Televizionit Kombëtar Bullgar do të nisen gjatë muajit maj për në Baku – Azerbajxhan. Aty do të zhvillohet edicioni i 57 i konkursit të këngëve Evrovizion . Në të do të marrin pjesë 43 shtete. Koncertet do të kalojnë nën moton “Ndize zjarrin tënd”! (“Light your fire!”), që shumica e lidhin me emrin tjetër të Azerbajxhanit – “vendi i zjarrit”. Bullgaria do të jetë në garë për herë të 8. Atuja e caktoi vendin tonë në gjysmë finalin e dytë , më 24 maj. Mes vendeve në grupin tona janë Serbia, Maqedonia, Ukraina, Turqia dhe Armenia.
Përgatiti në shqip: Nataniela Vasileva
Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë mundësinë të shohë edhe dy ansamble folklorike - "Ravnec" dhe "Klementina". Ky është eventi i..
Në harmoni me motin jashtë, në fund të verës Severin Georgiev prezanton këngën e tij më të re "Do të bjerë shi". Kjo është kënga e dytë e Severinit, të cilin e njohim si pjesëmarrës në sezonin e fundit të “Zëri i Bullgarisë”. Kënga “Do të bjerë..
Nga grupi “Mary Boys Band” thonë se këtë vit vera do të zgjasë deri më 25 tetor - sepse koncerti i tyre tradicional, në të cilin këndojnë refrenin ikonik "Vera po shkon, vjeshta po vjen ", do të mbahet më 25 tetor në Sofje dhe do të shënojë fillimin e..