A do të zhvillohet në Këshillin Evropian debati aktual për aderimin e Bullgarisë në Zonën Shengen?

botuar më 11-10-19 10.34.PD

Po vazhdon procesi i rëndë i aderimit të Bullgarisë dhe Rumanisë në Zonën Shengen. Pavarësisht nga fakti se dy shtetet kanë plotësuar të gjitha kriteret teknike, aderimi i tyre shtyhet për herë të radhës. Shtyrja e fundit ishte për shkak të vetos së diskutueshme të Holandës dhe Finlandës, të vënë gjatë seancës së shtatorit të Këshillit të drejtësisë dhe punëve të brendshme. A do të mbetet aktual ky problem edhe gjatë seancës së ardhshme të Këshillit Evropian më 23 tetor?

Kryetari i Këshillit Evropian Herman van Rompuy organizoi këtë seancë më 23 tetor për shkak të krizës me borxhin e jashtëm në Eurozonë dhe për të biseduar masat e nevojshme për të ndihmuar Greqinë në daljen e saj nga kolapsi financiar. Në rendin e ditës nuk është parashikuar një debat për çështjen e Bullgarisë dhe Rumanisë dhe për aderimin e tyre në Zonën Shengen. Pavarësisht nga kjo bisedime të tilla mund të zhvillohen, kryesisht në mënyrë joformale.

Ka premisa për këtë. Gjatë ditëve të fundit Finlanda dha një sinjal pozitiv. Të dielën e kaluar kryetari i parlamentit finlandez Eero Heinäluoma kritikoi qeverinë për këtë se pengon aderimin e Bullgarisë dhe Rumanisë në Hapësirën Shengen. “Kjo është kundër interesave tona” – ishin fjalët e tij.

Përveç kësaj javën e kaluar Parlamenti Evropian pranoi akoma një rezolutë në përkrahje të dy shteteve. Në dokument thuhet se Bullgaria dhe Rumania u përgjigjen të gjitha kritereve për mbrojtjen e kufijve të jashtme, pasi që kanë modernizuar sistemet e veta për kontroll kufitar. Eurodeputetët u bënë thirrje të gjitha shteteve anëtare që të përkrahin zgjerimin e Zonës Shengen. Aq më shumë se kriteret paraprake teknike janë plotësuar.

Dhe më shumë: pasi Holanda tha “jo” në mënyrë të padiskutueshme, kryesia polake e BE-së bëri një propozim – Sofja dhe Bukureshti të hyjnë në Zonën Shengen në fillim me kufijtë e tyre detare dhe ajrore dhe pastaj, në vitin 2012 – me kufijtë tokësore. Propozimi ishte miratuar pa bisedime suplementare nga shtetet e tjera anëtare të BE-së.
Në këtë situatë është e mundshme që të ketë ndonjë zhvillim pozitiv të çështjes gjatë seancës së Këshillit Evropian më 23 tetor. Nëse zhvillohen debate të tilla Holanda mund të mbetet e izoluar në pretendimet e veta ndaj Bullgarisë dhe Rumanisë. Ndërkohë u bë e qartë se pozita e saj nuk është lidhur me ndonjë shqetësim për sigurinë e komunitetit evropian. Bëhet fjalë për motive të lidhura me situatën politike brenda Holandës, me tendenca nacionaliste dhe ksenofobe.

Për sa i përket pozitës zyrtare të Sofjes, kryeministri bullgar Bojko Borisov ishte mjaft i qartë. “Për mua kjo temë s’ka nevojë për debate të mëtejshme – ne e kemi përgatitjen më të mirë teknike për mbrojtjen e kufijve evropiane dhe nuk është e drejtë që ne të harxhojmë aq shumë para për këtë derisa të tjerë të ushtrojnë mjeshtërinë e tyre në fushën e retorikës” – tha ai gjatë hapjes solemne të një ekspozite të thesareve trake bullgare në Parlamentin Evropian.

Diskutimi i problemit për aderimin e Bullgarisë në Zonën Shengen më 23 tetor gjatë seancës së Këshillit Evropian ka akoma një kontekst tjetër. Në të njëjtën datë në Bullgari do të zhvillohen zgjedhje presidenciale dhe vendore. Është e mundshme që një sinjal nga ana e Brukselit të përdoret në favor ose në dëm të forcave të ndryshme politike pikërisht në kohën e zgjedhjeve.

Përgatiti në shqip: Jordanka Ivanova

По публикацията работи: Atanas Cenov

Последвайте ни и в Google News Showcase, за да научите най-важното от деня!

Ndaje

A do të zhvillohet në Këshillin Evropian debati aktual për aderimin e Bullgarisë në Zonën Shengen?

Më shumë nga rubrika

BNT feston me një program të veçantë 65 vjetorin e themelimit

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Radio Bullgaria hyri në klasa

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve