Një portal interneti ndihmon daljen e ndërmarrjeve bullgare në tregun ndërkombëtar

botuar më 11-10-11 12.05.MD

Nga kjo vjeshtë biznesi bullgar disponon me një portal interneti, të krijuar nga Agjencia ekzekutive për inkurajimin e ndërmarrjeve të vogla dhe të mesme. Ai do të ndihmojë daljen e këtij tipi firmash në tregun ndërkombëtar. “Ky është një instrument i rëndësishëm, përmes të cilit biznesi bullgar do të mund të gjejë një informatë aktuale, e cila të jetë e dobishme për realizimin e produktit ose shërbimet e tregjeve të jashtme, të gjejë partnerë ndër firmat e huaja, si dhe të drejtojë pyetje konkrete të cilave ne do t’u bëjmë çdo gjë në kuadrin e kompetencës sonë të përgjigjemi shpejt dhe në kohë” – tha drejtoresha ekzekutive e Agjencisë Marina Veleva.

Tani për tani portali përmban një informacion të dobishëm për marrëveshjet juridike në 23 shtete, të dhëna për këmbimin e mallrave, perspektiva për zhvillim, tregues bazë ekonomik, kërkesa specifike drejt mallrave nga tregu përkatës. Në katalogun e firmave ndaj portalit çdo sipërmarrës mund të paraqesë kompaninë e vet, të gjejë prodhues, furnizues, dhe distributorë, statistikë dhe analiza, të botojë oferta aktuale, si edhe të kërkojë partnerë jashtë shtetit. Një vend të posaçëm në portal i është kushtuar biznes forumeve të ardhshme në vend dhe jashtë shtetit, aty ka informacion për 45 panaire dhe ekspozita në 18 shtete, për 11 misione tregtare jashtë shtetit deri në fund të vitit.

“Gjatë 2 vjetëve të fundit eksporti u bë një motor bazë të rimëkëmbjes ekonomike të vendit, nënvizoi gjatë prezantimit të portalit ministri i ekonomisë dhe i energjetikës Trajço Trajkov. Pas një vëllimi prej 33% gjatë vitit 2010, presim me interes të shikojmë nëse kjo rritje do të vonohet gjatë vitit 2011. Lajmi i mirë është se, për 7 muajt e parë të vitit 2011 kemi një vëllim edhe më të lartë nga ai i vjetshmi në përmasë të afro 37%. Kështu që nuk ka një moment më të përshtatshëm nga futja në veprim të këtij portali.”

Ngritja e përmendur në eksportin bullgar u dedikohet kryesisht firmave të mëdha. Një kontribut mjaft më të dobët kanë tani për tani ndërmarrjet e vogla dhe të mesme. Prandaj është me kaq rëndësi që ato të ndihmohen të përfshihen në tendencën e vizatuar pozitive.

“Gjatë studimit të fundit, të bërë në fillim të këtij viti, numri i përgjithshëm i ndërmarrjeve të vogla dhe të mesme në Bullgari ishte rreth 315 mijë, rikujton Venelin Gurnishki, drejtor i drejtorisë “Zhvillim dhe internacionalizim i Agjencisë ekzekutive për inkurajimin e ndërmarrjeve të vogla dhe të mesme”. Mjerisht, shtoi ai, përqindja e firmave të orientuara për eksport mes tyre është mjaft e ulët. Meriton vëmendje fakti se, pikërisht në kushtet e krizës, një përqindje firmash bullgare kanë mundur të shfrytëzojnë kushtet jo të favorshme si shans dhe kanë shtuar eksportin e vet me 15-20%. Me këtë portal ne duam të ndihmojmë jo vetëm firmat të cilat janë të orientuara drejt eksportit, por më tepër ato, të cilat kanë një potencial të dalin në tregjet e jashtme. Në bazë të llogarive paraprake, ndërmarrjet e vogla dhe të mesme prodhuese, të cilat mund të eksportojnë produktin janë rreth 70 mijë. Ky është potenciali, të cilin tani për tani e konsiderojmë për programin tonë maksimum”.

Për 2 javët e para nga ekzistenca e portalit http://export.government.bg/ianmsp/en/home në të janë regjistruar 77 firma bullgare dhe janë realizuar 3500 vizita. Pjesa dominuese nga firmat të cilat janë regjistruar janë nga industria ushqimore, makinë-ndërtimi, tregtia dhe shërbimet, prodhimi i mobilieve dhe farmacia. Krijuesit e portalit e vlerësojnë këtë si një fillim të mirë.

Përgatiti në shqip: Nataniela Vasileva

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Një portal interneti ndihmon daljen e ndërmarrjeve bullgare në tregun ndërkombëtar

Më shumë nga rubrika

Tregu i pasurive të paluajtshme ngriu

1.6 milionë bullgarë punojnë me paga nën nivelin e jetesës

Pikëpamjet e ekspertëve për politikën financiare të shtetit në pragun e një Kuvendi të ri dhe Projektbuxhetin 2025