Ethe e re e arit në Bullgari

botuar më 11-08-25 12.22.MD

Bullgarët gjithashtu përfshihen në tendencën botërorë për blerjen e stolisjeve prej ari.

Foto: BGNES

Pikërisht para 115 vjetëve gjatë gushtit filloi ethja e njohur e arit në Alaskë. Ndoshta në mënyrë simbolike, përsëri gjatë gushtit rilindi çmenduria pas arit. Rekordi prej 2000 dollarësh për onç duket gjithnjë e më i arritshëm. A është e mundshme që për shkak të inflacionit të kthehemi përsëri tek koha kur ari ishte përdorur në vend të parave dhe për sigurimin e kartëmonedhave?

Bullgarët gjithashtu janë aktivë në këtë ethe ari – njerëzit blejnë dhe shesin stolisje prej ari. Por bëhet e qartë se ata, të cilët shesin janë më shumë se ata, të cilët dëshirojnë të investojnë në metalin e çmuar. Me dëshirë që të fitojnë shumë para për një periudhë të shkurtër shumë bullgarë shkojnë në argjendaritë dhe shesin stolisjet e tyre familjare dhe monedhat, me të cilat disponojnë. Nuk është e pazakonshme që të shikohen radhë të gjata para atelieve të argjendarëve.

“Më shumë ofrohen byzylykë, zinxhirë floriri, unaza dhe ar që përdoret nga stomatologët – tregoi Marina Koeva, tregtare në një dyqan për stolisje në qendrën e kryeqytetit – nuk mund të blejmë gjithçka që na ofrojnë klientët. Nuk disponojmë me aq shumë para. Përveç kësaj për ne ky është edhe rrezik. Kemi shumë ar dhe nuk kemi garanci se çmimi i arit nuk do të ulet. Atëherë nuk do të mund të shesim stolisjet që i blejmë sot. Rreziku në të vërtet është i madh. Nuk pranojmë monedha të vjetra sepse ato kanë më shumë vlerë numizmatike dhe pastaj shiten vështirë. Blejmë kryesisht stolisje, sepse klientët i kërkojnë më shumë. Duke folur për rritjen e çmimeve – ajo është në përputhje me rritjen e çmimit të arit në tregjet botërore. Ne jemi tregtarë dhe reagojmë kur ka kërkim më të madh.”

Çmimi i arit të përpunuar 14 ose 18 karat është 45-55 leva për një gram. Në të njëjtën kohë shitet për klientët me çmim dy herë më të lartë. Tregu në përgjithësi është nën ndikimin e “modës së arit” – shtëpitë financiare, spekulantët, njerëzit, që merren me tregti gjysmëligjore reaguan shpejtë. Shumë argjendarie tashmë nuk blejnë flori dhe për këtë arsye spekulantët menjëherë treguan gatishmëri të blejnë metalin e çmuar, por natyrisht çmimi që ata ofrojnë është shumë herë më i ulët. Specialistët alarmojnë se ky lloj tregtie është me rrezik të lartë dhe shpesh tregtarët mashtrojnë klientët me peshoret elektronike. Shumë njerëz në “tregun e zi” ofrojnë para për arin e qytetarëve, por pa paguar Tatim mbi Vlerën e Shtuar dhe taksa të tjera. Bile dyqanet e hekurishteve për skrap tregojnë interes ndaj arit. Lastrat e vjetra dhe procesorët e kompjuterëve kanë 1 ose 2 gramë flori dhe për këtë arsye janë shumë aktuale. Tregtarët nga argjendaritë tregojnë se të huajt blejnë shumë stolisje flori për shkak të çmimeve të ulëta tek ne. Sezoni turistik, që tërhoqi shumë të huaj në vendin tonë, është shumë i dobishëm. Pushimi në det është një moment i mirë për blerjen e arit – prej këtij rasti përfitohen hebrenj, arabë, rusë. Dhe të gjithët dimë si blejnë turistët nga Rusia – me çanta të mëdha, me shumicë.

Por specialistët mendojnë se ethja e arit hap dyert për larjen e parave të pista. Regjistrohen firma me qëllim blerjen e metalit të çmuar me shumicë dhe pastaj ari eksportohet jashtë shtetit. Atje metali shkrihet dhe prej tij përpunohen shufra ari që pastaj ofrohen në tregjet ndërkombëtare.

Kërkimi i arit u bë shumë modern te ne. Sipas gjeologëve nga Akademia Bullgare e Shkencave në 80% të lumenjve në Bullgari ka sasi të vogla ari. Shumë bullgarë parapëlqyen pushimin afër lumenjve, në vend që të shkojnë në det. Nuk duhet të shkojnë larg – bile afër Sofjes ka lumenj, rërët e të cilëve përmbajnë ar.

Përgatiti në shqip: Jordanka Ivanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Ethe e re e arit në Bullgari

Më shumë nga rubrika

Zotërimi i gjuhës së shenjave mund të jetë interesant, i këndshëm dhe shumë i dobishëm

Rezultatet e regjistrimit zyrtar janë një sukses i madh për komunitetin bullgar në Shqipëri

Veshje dhe armë bullgare të Mesjetës së Vonë ekspozohen në Kalanë Baba Vida

Rezultatet e regjistrimit zyrtar janë një sukses i madh për komunitetin bullgar në Shqipëri

Zotërimi i gjuhës së shenjave mund të jetë interesant, i këndshëm dhe shumë i dobishëm