Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Iglika Trifonova – me një aparat fotografik në rrugët e ëndrrave

“Gjithmonë e kam pasur dashurinë për fotografinë” – tregon Iglika Trifonova
Foto: arkiv personal
Kur Iglika Trifonova rrëfen për përjetimet e saj nga Antarktida ose tregon planet e saj për udhëtimet e ardhshme në Tibet dhe Himalajë, njeriut i duket se nuk ka gjë më të lehtë sesa të ëndërrojë dhe t’i realizojë dëshirat e tij. E vërteta është se secilës ëndërr të përmbushur i nevojiten shumë përpjekje. Për Iglikën udhëtimet janë të lidhura me dashurinë e saj të madhe për fotografinë.

“Gjithmonë e kam pasur dashurinë për fotografinë – tregon Iglika Trifonova. – Kur isha e vogël, prisja fotografi nga gazetat dhe revistat, pa ditur pse e bëja këtë. Zakonisht mblidhja portrete. Më vonë kuptova se interesi im për fotografinë është shfaqur që në fëmijëri. Aparatin e parë fotografik e bleva në vitin 1990. Atëherë situata politike në Bullgari ishte interesante dhe desha ta shoh nga afër, t’i fotografoj njerëzit. Në atë moment ende isha nxënëse. Pasi mbarova gjimnazin, studiova për filologjinë polake në Universitetin e Sofjes “Shën Kliment Ohridski”. Mbarova edhe dy specialitete të tjera – marrëdhënie ndërkombëtare dhe politologji. Interesi im për politikën mbeti. Madje isha fotografe parlamentare në vazhdim të gjashtë vjetëve.”

Gjatë asaj kohe Iglika Trifonova grumbulloi përvojë si fotografe reportere në disa botime periodike dhe mori çmime të ndryshme nga konkurset e fotografisë. Në vitin 1999 u njoh me pjesëmarrësit e ekspeditës bullgare në Antarktidë. Ata ia tërhoqën vëmendjen, duke folur në mënyrë interesante për kontinentin e akullt, për pinguinët, për fokat dhe për perëndimet. Kjo u bë ëndrra e saj e madhe:

“Fati më ka buzëqeshur në fillimin e vitit 2006, kur më përfshinë në ekspeditën e 14-të bullgare në Antarktidë si përfaqësuese e klubit të futbollit të CSKA-së – kujton Iglika. – Atëherë punoja në qendrën e shtypit të skuadrës dhe kishte ide që të organizohet ndeshja e parë e futbollit në Antarktidë midis skuadrave të Spanjës dhe Bullgarisë. Bazat e të dyja vendeve ndodheshin shumë afër njëra tjetrës. Spanjollët propozuan të jenë mikpritësit e ndeshjes. Ata kishin bërë një fushë futbolli. Pjesëmarrësit e të dyja ekspeditave polare përbënin të dyja ekipet. Ndeshja u zhvillua në pesë gradë nën zero. Shumica e lojtarëve ishin veshur me bluza me mëngë të shkurtra dhe me pantallona të shkurtra, por luanin me entuziazëm të madh. Ndeshja mbaroi tre me tre. Pastaj e festuam rezultatin.”

Për fotografen Iglika Trifonova, muaji, që e kaloi në Antarktidë, ka qenë plot me përjetime të paharrueshme. Atje për herë të parë u ndesh me dritën e pandalshme të ditës polare. Qysh në fund të marsit, kur është fillimi i verës së Antarktidës, për afro një-dy orë fillon të errësohet dhe mund të shihet perëndimi. Sipas fjalëve të Iglikës ai është jashtëzakonisht i bukur me ngjyrat e tij të ndezura. Atëherë oqeani po ashtu dhe akullnaja e bardhë duken ngjyrëvjollcë. Iglika Trifonova i kujtohet një prej këtyre ditëve me qiell të bukur, kur në plazhin e akullt janë shtrirë pinguinët dhe fokat:

“Qëndroja vetë në këtë plazh me gurë. Shumica e njerëzve nga ekspedita bënin ndonjë punë shkencore, por unë si fotografe shkoja për të fotografuar. Shumë kilometra larg meje nuk kishte njeri. Është e mrekullueshme një ndjenjë e tillë për natyrën, se gjithçka rreth teje është e gjallë, se ti je pjesë e kësaj harmonie, se kafshët nuk kanë frikë nga ti dhe ti nuk je kërcënim për to.”

Nga Antarktida Iglika Trifonova është kthyer me fotografi interesante, të cilat i ekspozoi. Përveç ekspozitave në shumë vende të Bullgarisë, fotografitë e saj janë shfaqur në kryeqytetin rus Moskë. Bashkë me dy pjesëmarrës të tjerë të ekspeditës kanë bërë ekspozita me pikturat e tyre nga kontinenti i akullt. Iglika ka pikturuar me bojëra mbi qelq. Para një viti ajo u nis për një udhëtim dhe u kthye me shumë fotografi. Në vazhdim të 42 ditësh Iglika ecte 800 km. në këmbë në rrugën e një prej itinerareve më të vjetra të Evropës. Bëhet fjalë për rrugën e njohur prej afro dhjetë shekujsh “El Camino de Santiago” në Spanjë. Sipas Iglikës njeriu vetë duhet ta kalojë këtë itinerar, sepse ashtu ka mundësi t’i jap një kuptim të ri jetës së tij.

Iglika Trifonova vazhdon të kërkojë rrugë të reja. Sapo u kthye nga Spanja, ajo me padurim pret të plotësojë dëshirën e saj:

“Tani ëndërroj për Tibetin dhe Himalajet – një vend i shenjtë. Për mua malet gjithmonë kanë qenë shumë interesante. Mali Kailash në Tibet është i famshëm si vend, ku pelegrinët ecin përreth tij. Megjithëse këtë e bëjnë budistët, unë gjithashtu dua ta kaloj rrugën.”

Përgatiti në shqip: Anna Kapitanova

По публикацията работи: Lina Ivanova


Последвайте ни и в Google News Showcase, за да научите най-важното от деня!

Më shumë nga rubrika

Nxënësit do të jenë në gjendje të testojnë aftësitë e tyre PISA në një platformë online

Nxënësit tani mund të testojnë në internet aftësitë e tyre për zgjidhjen e problemeve nga studimi ndërkombëtar PISA. Ministria e Arsimit dhe Shkencës krijoi një modul në faqen e saj të internetit me një lidhje me platformën speciale . Ajo përmban..

botuar më 25-03-14 2.58.MD

Kryedhjaku Ljubomir Bratoev: Shërbimet e para në bullgarisht në Berlin janë mbajtur në sallën e ambasadës sonë

At Ljubomir Bratoev ishte pjesëmarrës i drejtpërdrejtë në ngjarjet e themelimit të bashkësisë së kishës ortodokse bullgare në Berlin. Ai mbërriti në kryeqytetin e Gjermanisë Lindore në fund të viteve 1980 të shekullit të ХХ-të për të bërë doktoraturën...

botuar më 25-03-12 7.30.PD
Monumenti i Ekzarkut Stefan I në Shiroka Llëka

Ekspozita foto-dokumentare kujton personalitetin dhe veprën e Ekzarkut Stefan I Bullgar

Një ekspozitë interesante në Kuvendin Popullor në Sofje prezanton jetën dhe veprën e Ekzarkut Stefan I Bullgar - një figurë kozmopolite që hyri në histori si luftëtar i distancimit të priftërinjve nga jeta politike, dhe si një nga shpëtimtarët e..

botuar më 25-03-11 7.00.PD