Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Lipsanet e Shën Joan Pagëzorit – një zbulim sensacional i arkeologëve bullgarë

Foto: arkiv
Në fund të muajit korrik gjatë gërmimeve në ishullin Shën Ivan, afër qytetit bregdetar bullgar Sozopoll një ekip arkeologësh bullgarë zbuloi një thesar unik. Sipas udhëheqësit të ekspeditës profesor Kazimir Popkonstantinov bëhet fjalë për lipsanet e Shën Joan Pagëzorit. Lajmi provokoi komente kontradiktore të politikanëve, aktivistëve shoqërorë, arkeologëve.

Lipsanet për të cilët supozohet, se i përkasin Shën Joan Parathënësit u zbuluan në altarin e kishës më të vjetër të ishullit. Relikti u gjet në një arkë prej alabastri. Në të u zbulua një dhëmb, një copë eshtre prej dore dhe një copë eshtre prej fytyre. Vet arka për ruajtjen e lipsaneve daton nga mesi i shekullit V. Në të ka mbishkrim, i cili dëshmon, se në shekullin V ditën e lindjes së Shen Joan Parathënësit një njeri me emrin Toma transferoi lipsanet, që përmbahen brenda. Lidhur me këtë relikt historiani Bozhidar Dimitrov tha, se rrallë herë sendet e zbuluara gjatë gërmimeve shoqërohen edhe me mbishkrime. Prandaj për arkeologët epigrafe të tilla konsiderohen dëshmitë më autentike. Kleri i Kishës Ortodokse Bullgare shpalli reliktin autentik. Vet zbuluesi i lipsaneve profesor Popkonstantinov, për nga rëndësia, e krahasoi këtë gjetje arkeologjike me Mantelin nga Torino. Me një ceremoni speciale lipsanet u vendosën për ruajtje në kishën “Shën Gjergji” në qytetin Sozopoll. Nuk përjashtohet mundësia, që ato të jenë lipsane të Shën Joan Pagëzorit. Por kjo mund të thuhet me siguri pas një analize ADN. Lipsane për të cilët supozohet se i përkasin Shenjtorit Joan ruhen në Kalkuta, në Stamboll dhe në qytetin gjerman Aahen. Mirëpo, sipas shkencëtarëve ata nuk janë një bazë shpresëdhënëse për krahasim, gjë që në praktik zbraz nga përmbajtja çdo lloji ekspertize shkencore. Në rastin më të mirë mund të caktohet mosha e tyre dhe të zgjidhet çështja a përkasin ata një njeriu të njëjtë. Sipas një pjese të shkencëtarëve, konkluzionet, se ato janë lipsanet e Shën Joan Pagëzorit janë tepër të shpejta dhe kërkojnë sensacionin. Si rezultat dëgjohen pikëpamje dhe mendime të ndryshme nga ana e arkeologëve. Në këtë sfond ministri i financave Simeon Djankov tha, se vet ai nuk është besimtar, por është i bindur, se lipsanet janë një zbulim i paçmueshëm. Lidhur me këtë ai theksoi, se të ardhurat potenciale për Bullgarinë nga ky zbulim do të jenë të padiskutueshme. Dhe përderisa pelegrinazhet në mbarë botën janë një industri fitimprurëse, tek ne akoma zhvillohen debate të kota për perspektivat e këtij lloji turizmi. Sipas traditës vendi ynë tërheq turistët e huaj me qindra manastiret dhe kishat e krishtere, që ruajnë në vet veten ikona të paçmueshme dhe afreske shekullore. Tani, sipas ekspertëve është koha, të afirmojmë pamjen e vendit si një destinacion tërheqës i turizmit fetar. Pak pasi mediat botërore përhapën lajmin për zbulimin sensacional, qeveria shpalli se do të lëshojë edhe 420 mijë leva për përfundimin e meremetimit të kishës “Shenjtor Kirill dhe Metodij” në Sozopoll, ku do të vendosjen për ruajtje lipsanet e Shën Joan Pagëzorit.

Përgatiti në shqip: Svetllana Dimitrova
По публикацията работи: Veneta Nikollova


Последвайте ни и в Google News Showcase, за да научите най-важното от деня!

Më shumë nga rubrika

"Provadia - Kriporja" është kandidate për Etiketën e Trashëgimisë Evropiane

Kompleksi prehistorik "Provadia - Kriporja" – kriporja dhe qendra më e vjetër urbane në Evropë (5600 - 4350 para Krishtit), është ndër objektet e propozuara për Etiketën e Trashëgimisë Evropiane - 2025. Qytetërimi evropian ka filluar nga..

botuar më 25-03-14 6.36.MD

Kisha “Shën Dyzet Dëshmorët” është një vend i shenjtë për historinë bullgare

Më 9 mars, Kisha Ortodokse nderon kujtimin e Dyzet Dëshmorëve të Shenjtë nga Sebastia e Armenisë. Këta janë 40 luftëtarë trima që refuzuan të adhuronin perënditë e vjetra pagane dhe në vitin 320 pranuan martirizimin për besimin e tyre në Krisht...

botuar më 25-03-09 10.05.PD

Arkeologjia si një kauzë për njerëzit që zbulojnë dhe mbrojnë trashëgiminë tonë historike

Me mbi 40 mijë objektet dhe artefaktet e saj arkeologjike, Bullgaria është një muze i vërtetë në ajër të hapur. Për nga numri i gjetjeve, vendi ynë renditet i treti në botë pas Italisë dhe Greqisë. Nga epoka neolitike, tetë mijëvjeçarë më parë, deri..

botuar më 25-03-07 7.05.PD