Gazetarët e rinj dhe mesazhet mediatike

botuar më 10-08-11 11.23.PD

Gazetarët e rinj sot kanë një sedër të lartë, si përfaqësues të vërtetë të pushtetit të katërt. Krahas kësaj ata shprehin mendime të balancuara dhe objektive. Këtë e tregon doc. dr. Liljana Andreeva, pedagoge shumëvjeçare të gazetarisë dhe lidhjeve me shoqërinë në Universitetin e Sofjes “Shën Klimenti i Ohrid”. Teknologjitë e reja, digjitalizimi, shfrytëzimi i gjerë i rrjetit internet, ndryshojnë rrënjësisht mediat e sotme. Të gjitha arritjet e sektorit IT japin mundësi për programe me cilësi më të larta dhe për një komunikim më të mirë me auditorin. Kontradiktore janë përfytyrimet e tyre për programet mëngjesore të televizionit. Lidhur me këtë docentja Andreeva thekson:

“Nga njëra anë të rinjtë janë të mendimit, se programet mëngjesore u japin spektatorëve informacion për zhvillimet tek ne dhe në botë. Nga ana tjetër, të rinjtë mendojnë, se programet e mëngjesit theksojnë mbi politikën dhe njerëzit kalojnë tërë ditën nën shenjen e ngjarjeve politike. Ata të rinj e krahasojnë programet me transmetimet e televizioneve të tjera të huaja, kur mëngjesit flitet për humor të mirë, për çështje shëndetësore, për veshje moderne e kështu me radhë. Ekzistojnë qëndrime të llojllojshme mbi variantin e programeve mëngjesore. Krahas kësaj të rinjtë janë të mendimit se në gazetarinë hetuese duhet të vendoset një stilistikë krejt të re. Ata nuk pranojnë sindromin prej prokurori në gazetarinë hetuese, kur pyetjet bëhen në mënyrë të prerë dhe agresive. Ata preferojnë më tepër formën humoriste, ironike dhe sarkastike, në të cilën në mënyrë të lehtë, por në të njëjtën kohë me thumba preken problemet më të dhimbshme sociale. Të rinjtë janë të mendimit, se kjo mënyrë është më atraktive, më moderne dhe mund të tërheqë vëmendjen e auditorit. Ata janë të bindur, se duhet të ndryshohet forma e pyetjes. Krahas kësaj ata mendojnë, se programet janë të mira, kur problemet shoqërore thyhen përmes prizmit të fateve njerëzore. Preferojnë edhe shfaqjet e reporterëve, që nuk janë profesionist. Tani njerëzit vet mund të xhirojnë dhe të dërgojnë në televizion ato reportazhe. Krahas kësaj ata mund të telefonojnë në radio. Kjo lidhje reciproke konsiderohet se është një mënyrë demokratike të trajtimit të problemeve.”

Gazetarët e rinj gjithashtu shpallen për transmetimet direkte nga vendi i ngjarjes. Mirëpo, ata janë të mendimit, se mungojnë programe të specializuara me tematika interesante, që preokupojnë të rinjtë. Rinia formohet dhe kërkon modelet e sjelljes njerëzore, që të formojë një model të vet individual. Lidhur me këtë konsiderojnë, se elita e sotme krijuese – shkrimtarë, artistë, piktorë, shkencëtarë është e zëvendësuar nga pseudo-yje. Sipas tyre kjo shtrembëron vlerat morale dhe bëjnë pyetjen, a është gazetaria në harmoni me normat etike, ose formon rregulla të reja. Mediat, sipas të rinjve, shndërrohen nga dritare te bota, në dritare te kuzhina dhe dhoma e fjetjes së njeriut.” Sipas gazetarëve të ardhshëm, personaliteteve politike u kushtohet një vëmendje më të madhe nga mediat dhe shihet një ngatërrim i profesionit të gazetarit, me të të PR-it. Në të njëjtën kohë të rinjtë dyshojnë, se pushteti ushtron presion mbi gazetarët dhe sidomos mbi pronarët e mediave, gjë që reflekton mbi objektivitetin e tyre. Të rinjtë dëshirojnë, që problemet të trajtohen me thellësi më të madhe. Ata mendojnë, se duhet t’u kushtohet një vëmendje më të madhe marrëdhënieve midis prindërve dhe fëmijëve. Është fakt, se po rritet numri i të rinjve, që preferojnë rrjetin internet në vend të televizionit. Megjithëkëtë të rinjtë, që mbarojnë gazetari, mbeten optimist dhe besojnë se do të gjejnë mundësi të mira për realizim.

Përgatiti në shqip: Svetllana Dimitrova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Gazetarët e rinj dhe mesazhet mediatike

Më shumë nga rubrika

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Elegjia për Krahinat Perëndimore tingëllon si një requiem

Pse disa nga rrugët e Pragës mbajnë emrat e iluministëve bullgarë?