Fushata “Me veshje zyrtare dhe me biçikletë”

botuar më 10-06-07 11.10.PD

Qëllimi i fushatës është t’i motivojë njerëzit, të cilët shkojnë në punë me automobil ta zëvendësojnë me biçikletë.

Foto: Darina Grigorova

“Me veshje zyrtare dhe me biçikletë” është motoja e një fushate që u organizua gjatë kësaj fundjave nga shoqata “Veloevolution” me mbështetjen e Bashkisë së Sofjes. Ajo zhvillohet për herë të 13 të radhës në Sofje dhe në të u përfshinë mbi 200 veta. Që të ecësh me biçikletë, nuk është e nevojshme të vësh veshje sportive, mendojnë organizatorët. Prandaj ata u bënë thirrje pjesëmarrësve të vënë veshjet e tyre zyrtare. Nga shoqata shpresojnë të tërheqin bashkëmendimtarë, të cilët të organizojnë fushata të ngjashme në tërë vendin.

“Qëllimi është i qartë. Ky është një mesazh ndaj të gjithë njerëzve që shkojnë në punë me automobil ta zëvendësojnë me biçikletë dhe të binden sa e lehtë dhe e shpejtë është kjo – tha Ivo Delin nga shoqata “Veloevolution”. – Kështu kryeqyteti do të lirohet nga trafiku i madh. Nga pikëpamja ekologjike kështu Sofja mund të bëhet një qytet më i pastër. Fushata jonë ndihmon që biçikletistët të shtohen shumë nëpër rrugët e Sofjes.”

Nga “Veloevolution” e dinë se tani për tani kushtet të Sofje nuk janë shumë të përshtatshme për transportin me biçikletë. Në krahasim me shumë kryeqytete evropiane ajo mbetet prapa. Por sa më shumë bëhen biçikletistët, aq më shumë bashkia do të mendojë për masa adekuate për sa i përket infrastrukturës rrugore.

“Sipas planit të urbanizimit të Sofjes, planifikohen 300 km korsi për biçikleta – tha Ivo Delin. – Aktualisht përfaqësues të shoqatës sonë marrin pjesë në një këshill të posaçëm në bashki për zhvillimin e infrastrukturës së biçikletave. Duhet të krijohet një strategji për përdorimin e biçikletave në Sofje, kështu që qeveritë e ardhshme të marrin parasysh këtë që është bërë dhe të vazhdojnë ta zhvillojnë. Një nga detyrat kryesore është të vlerësohen vendet më të rrezikshme dhe më parë në to të ndërtohen korsitë për biçikleta.”

Tani në Sofje ka disa korsi të tilla. Ato janë larg lëvizjes së automobilave dhe afër zonave këmbësore. Janë markuar me një sinjalizim të posaçëm kështu që të evitohen incidentet me këmbësorët.

“Planifikojmë të bëjmë një hartë interaktive të Sofjes, në të cilën të shënohen të gjitha itineraret e përshtatshme për biçikletistët – shpjegoi Ivo Delin. – Do t’i klasifikojmë sipas veçorive të tyre – më të parrezikshme, më të shpejta, më të pastra etj. Ky projekt do të jetë gati deri në një-dy vjet. Jemi duke kërkuar financim.”

Përgatiti në shqip: Ekaterina Tarpomanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Fushata “Me veshje zyrtare dhe me biçikletë”

Më shumë nga rubrika

Për herë të parë që nga viti 1985, në vendin tonë ka një rënie pothuajse zero të popullsisë

Grafitet në Bllagoevgrad kujtojnë historinë tonë 20-vjeçare në NATO

Java e Librit Ortodoks mbahet në qytetin Varna

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve