Aftësia ndërkombëtare për konkurrencë e Bullgarisë 2010

botuar më 10-05-20 11.49.PD

“Në klasifikimin e përgjithshëm Bullgaria gjatë vitit 2010 është vendi i 53-të prej 58 ekonomish – citoi të dhënat e studimit të institutit zviceran Rusllan Stefanov – drejtor për programet ekonomike në Qendrën për studim të demokracive.

Foto: Tanja Harizanova

Qendra për studim të demokracisë paraqiti rezultatet për Bullgarinë të vjetarit të aftësisë botërore për konkurrencë 2010 të Institutit zviceran për zhvillimin e menaxhimit IMD (IMD World Competitiveness Yearbook 2010). Në klasifikim marrin pjesë 58 prej ekonomive më të rëndësishme në botë nga pikëpamja e investitorëve, të vlerësuara sipas katër treguesve – rezultate ekonomike, politika qeveritare, biznes mjedis, infrastrukturë. Sivjet ai do të ndiqet në një mënyrë shumë të vëmendshme, sepse investimet, sidomos në Evropën Lindore, në të ashtuquajturat tregje të porsaformuara, janë faktori kyç, i cili vendos nëse një ekonomi po zhvillohet apo jo. Të dhënat e studimit tregojnë se gjatë vitit 2010 kriza ekonomike ka ndikuar mbi të gjithë sektorët e ekonomisë, kurse Bullgaria ka humbur 15 pozita në krahasim me vendin e 38-të në vitin 2009. Pas nesh janë Rumania, Argjentina, Kroacia, Ukraina dhe Venezuela.

“Në klasifikimin e përgjithshëm Bullgaria gjatë vitit 2010 është vendi i 53-të prej 58 ekonomish – citoi të dhënat e studimit të institutit zviceran Rusllan Stefanov – drejtor për programet ekonomike në Qendrën për studim të demokracive. – Kjo pozitë nuk duhet të absolutizohet, nuk duhet të pranohet si një keqësim dramatik. Ajo mund të jetë rezultat i një dukurie të përkohshme. Për shembull biznesi gjatë studimit gjatë muajve mars dhe prill ishte jashtëzakonisht i pakënaqur nga gjendja e ekonomisë. Treguesit makroekonomikë të vendit u keqësuan në një mënyrë të konsiderueshme, kurse Bullgaria e uli pozitën e saj ndaj të gjitha vendeve. Ajo gjendet në një grup me Kroacinë dhe Rumaninë. Në fakt mund të thuhet se kjo pozitë i përgjigjet më shumë nivelit ekonomik të Bullgarisë, domethënë rreth Rumanisë.”

Shkaku fshihet në stabilitetin e bordit valutor dhe përkatësisht në disiplinën fiskale në Bullgari, të cilat në sipërfaqe tregojnë rezultate të mira, por nën këtë pamje të bukur të jashtme të makroekonomisë ekonomia reale keqësohet gjithnjë e më shumë, mendoj eksperti nga Qendra për studim të demokracisë.

“Pikërisht kriza zbuloi fushat problematike, të cilat ekzistonin edhe më parë – komentoi Rusllan Stefanov. – Fakti se ne kemi pasur deficit buxhetor zero ose se kemi pasur tepricë, se papunësia ka qenë e ulët, praktikisht i fshihte të gjitha këto probleme, por tani ato u nxorën në pah.”

Një prej fushave që e tërhoqi Bullgarinë përpara në klasifikim janë teknologjitë informative dhe të komunikacioneve dhe inovacionet. Në vjetarin për aftësi ndërkombëtare për konkurrencë Bullgaria radhitet në vendin e tretë nga gjithsej 58 ekonomi për nga investimet në telekomunikacione si përqindje prej prodhimit të brendshëm bruto, në vendin e gjashtë sipas shpejtësisë së internetit të shumëfishtë, në vendin e tetë për nga numri i pajtimtarëve të operatorëve mobilë.

Teknologjitë informative dhe të komunikacioneve luajnë një rol jashtëzakonisht të rëndësishëm për rritjen e aftësisë për konkurrencë të ekonomisë bullgare. Kjo qe teza kryesore e pjesëmarrësve në debatin publik “Aftësia ndërkombëtare për konkurrencë e Bullgarisë 2010” pas paraqitjes së të dhënave të studimit. “Teknologjitë informative dhe të komunikacioneve kanë një efekt horizontal dhe ndikojnë mbi të gjitha sferat e ekonomisë. Në qoftë se rritet aksesi i shumëfishtë në internet vetëm me 10 për qind, prodhimi i brendshëm bruto i vendeve do të rritet me 1-2 për qind” – tha gjatë debatit Përvan Rusinov, zëvendës ministër i transportit, teknologjive informative dhe komunikacioneve. Homologu i tij nga dikasteri ekonomik Evgeni Angellov komentoi se megjithë rritjen e prodhimit të brendshëm bruto, struktura e ekonomisë bullgare nuk ka ndryshuar gjatë disa viteve të fundit, kurse “prodhimi industrial dhe shërbimet IT përfshijnë mbi 90 për qind prej eksportit të Bullgarisë.”

Vetë përfshirja e ekonomisë bullgare në klasifikim tashmë është njohje për vendin, të cilin ajo zë në ekonominë botërore.

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Aftësia ndërkombëtare për konkurrencë e Bullgarisë 2010

Më shumë nga rubrika

Tregu i pasurive të paluajtshme ngriu

1.6 milionë bullgarë punojnë me paga nën nivelin e jetesës

Pikëpamjet e ekspertëve për politikën financiare të shtetit në pragun e një Kuvendi të ri dhe Projektbuxhetin 2025