Bullgarët për shërbimin shëndetësor

botuar më 10-02-16 12.57.MD

“Në vend që të ankohemi nga cilësia e kujdeseve shëndetësore në vendin tonë, duhet të kërkojmë një shëndetësi e cila të jetë në nivelin e asaj evropiane”, theksoi drejtori i agjencisë MBMD zonja Mira Radeva.

Foto: BGNES

Secili prej nesh për një apo tjetër rast kërkon shërbime mjekësore, ka nevojë të konsultohet me specialist ose të shtrihet në spital për mjekim. Çfarë është cilësia e shërbimeve mjekësore në Bullgari? Sipas të dhënave të studimit sociologjik të agjencisë MBMD të zhvilluar në fund të javës së kaluar, 900 bullgarë të anketuar, e kanë vlerësuar cilësinë e shërbimit mjekësor me notën - “mirë”. “Vështirë dikush mund të presë se bullgarët janë shumë të kënaqur nga shëndetësia në vendin tonë aktualisht. Konsumatorët e sotëm të shërbimeve shëndetësore në asnjë rast nuk kanë mendim të njëjtë. Ka konsumatorë me nevoja specifike, me qëndrime të ndryshme për këtë si duhet të jenë shërbyer në sferën e shëndetësisë. Unë mendoj, se në vend që të ankohemi nga cilësia e kujdeseve shëndetësore në vendin tonë, duhet të kërkojmë një shëndetësi e cila të jetë në nivelin e asaj evropiane”, theksoi drejtori i agjencisë MBMD zonja Mira Radeva dhe shtoi:

“Më lartë vlerësohen konsultimet me mjekun familjar. Këto janë kontaktet më intensive të bullgarëve me sistemin e kujdeseve shëndetësore tek ne. Për mjekët familjar dhe punën e tyre bullgarët japin notën “shumë mirë”. Gjithashtu shumë të mira janë përshtypjet e të anketuarve për specialistët shëndetësore në fushën e ndihmës para spitalore. Në vendin e fundit të klasifikimit me notën më të ulët për cilësinë e shërbimit janë ndihma urgjente dhe mjekimi në spital.”

Gjatë vitit të kaluar një e treta prej të anketuarve vetëm një herë kanë përdorur shërbime shëndetësore. Këta janë kryesisht të rijnë në moshë 20-25 vjeç. Rreth 43 % prej të anketuarve kanë deklaruar, se mesatarisht 5 herë në vit përdorin shërbime shëndetësore – vizita te mjeku familjar ose specialisti, ose shikojnë për analiza laboratorike. Ndër konsumatorët më intensivë të shërbimeve shëndetësore në Bullgari janë pensionistët.

“Njerëzit e këtij grupi kanë mendim të tillë se tek mjeku njeriu shkon për të mjekuar, nuk i kushtojnë rëndësi profilaksisë – shpjegon Mira Radeva. Për mënyrën e shëndetshme të jetesës filloi të flitet shumë gjatë viteve të fundit. Vite me radhë sporti konsiderohej si një privilegji dhe detyrim i të rinjve, për shtesat ushqimore nuk bëhej fjalë fare, si edhe për ushqimet e favorshme për shëndetin e njeriut”.

Sipas zonjës Radeva një fakt interesant nga studimi është diferenca në vlerësimin e përgjithshëm të shëndetësisë bullgare, qe është vlerësuar me notën – “mirë”, dhe vlerësimi për punën e mjekëve familjar. Shumica prej të anketuarve e vlerësojnë me notën “shkëlqyeshme” punën e mjekëve bullgarë nga ndihma para spitalore, me gjithë se ata ankohen se humbasin shumë kohë për të pritur para kabinetit të mjekut. Por e harrojnë shpejtë këtë problem, kur i shërbejnë në mënyrë korrekte, kur i presin me buzëqeshje dhe kuptim.

Përgatiti në shqip. Sofia Popova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Bullgarët për shërbimin shëndetësor

Më shumë nga rubrika

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?