Bullgaria ka përvetësuar vetëm 1.3 për qind prej fondeve evropiane

botuar më 10-02-09 12.22.MD

Foto: BGNES

Jashtëzakonisht i ulët është përvetësimi i fondeve evropiane në Bullgari. Nga hyrja e vendit tonë në BE gjatë vitit 2007 deri në fund të vitit të kaluar janë përvetësuar vetëm 1.3 për qind prej parave, të destinuara për vendin tonë. Kjo u bë e qartë nga raporti i Komisionit parlamentar mbi çështjet evropiane dhe kontrollin e fondeve evropiane. Në dokument analizohen të gjitha 21 programet e financuara nga BE-ja. Ato parashikojnë akoma 12 miliardë euro, të cilat duhet t’i livrohen Bullgarisë deri në vitin 2013. Pasi vendi ynë nuk i ka përvetësuar mjetet evropiane me vlerë të përgjithshme afro 1 miliard euro nga fondet e paraaderimit, tani ekziston mundësia reale që të humben edhe mjete në kuadrin e shtatë programeve operative. Ja dhe hollësitë.

Më dramatike është situata lidhur me mjetet e papërvetësuara në kuadrin e programit ISPA, të destinuar për realizimin e projekteve të mëdha infrastrukturore. Nga buxheti i programit prej 1.66 miliardë eurosh, deri më sot janë përvetësuar vetëm 300 milionë euro, ose një të pestën prej mjeteve të dhëna nga BE-ja. Shkaqet janë konflikti i interesave, apelimet e procedurave, vonimi i pagesave ndaj beneficientëve, si dhe vlerat e zmadhuara të projekteve, që po kandidojnë. Na qetëson fakti se kemi akoma një vit – tërë viti 2010 është para nesh.

Në raport shënohet gjithashtu se një pjesë e mjeteve në kuadrin e fondeve evropiane, të parashikuara për programet “Transport” dhe “Mjedis rrethues” mund të humben. Edhe në kuadrin e dy programeve konstatohet përvetësim i pamjaftueshëm i financimit të dhënë. Më serioz është vonimi i zbatimit të programit në sektorin rrugor, për të cilin janë parashikuar afro një miliard euro. Shkaqet janë mungesa e projekteve të gatshme dhe e parave për jetërsimin e pronave dhe për gërmime arkeologjike. Gjatë këtij viti Bullgaria duhet të përvetësojë 86 milionë euro për ndërtimin e magjistraleve. Në qoftë se këto para nuk paguhen do t’i humbim. Mirëpo deri tani nuk është paguar madje një euro. Nën rrezik janë edhe mjetet e destinuara për përmirësimin e lundrimit në pjesën bullgaro-rumune të lumit Danub. Këtë herë shkaku është vendi rumun. Komisioni parlamentar u rekomandon pushtetarëve për të qenë më aktivë në “shpëtimin e projektit”. Në programin operativ “Mjedis rrethues” nën rrezik janë paratë në sektorin “Mbeturina”, ku nuk ka filluar ndërtimi i asnjë prej gjithsej 23 depove të parashikuara regjionale. Në kuadrin e programit bujqësor SAPARD përmasa e mjeteve të humbura pritet të jetë afro 123 milionë euro, thuhet në raportin e Komisionit parlamentar.

Në fund të vitit do të bëhet një rishikim se cili për çfarë mjetesh nga vendet anëtare të BE-së është marrë vesh dhe gjatë vitit tjetër do të bëhet një shpërndarje e re. “Rregullat e lojës” janë të tilla, se po të mos përvetësohen parat e livruara nga Brukseli deri në vitin 2013, ato do t’u jepen vendeve të tjera. Viti 2010 është jashtëzakonisht i rëndësishëm për Bullgarinë, sepse në qoftë se vendi ynë është marrë vesh për një përqindje të madhe mjetesh evropiane dhe ka një listë të qartë projektesh, BE-ja nuk do të na privojë nga mjetet e parashikuara.

Sipas të dhënave të raportit Bullgaria radhitet në vendin e 15-të nga 27 vendet anëtare të BE-së për nga paratë, të cilat u janë paguar beneficientëve. Për nga përqindja e përvetësimit jemi në vendin e 20-të. Gjatë këtij viti vendi ynë i vuri vetes qëllimin të kompensojë kohën e humbur dhe të përfitojë maksimalisht nga mjetet e livruara nga të gjitha fondet evropiane.

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria ka përvetësuar vetëm 1.3 për qind prej fondeve evropiane

Më shumë nga rubrika

Shpallën renditjen e institucioneve të arsimit të lartë dhe diplomat më fitimprurëse për vitin 2024

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

WWF Bullgaria i kushton vëmendje mbrojtjes së arinjve

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Gjimnazistë bullgarë në një betejë me dezinformimin