Fushata e sivjetshme “Bebe e vitit”

botuar më 10-01-06 11.46.PD

Vasilena Andreeva u zgjodh për Bebe 2010

Foto: BTA

Fushata “Bebe e vitit”, organizuar për herë të njëmbëdhjetë me radhë nga revista “9 muaj”, përfundoi. Pas shortit të hedhur mes tri foshnjave, për Bebe 2010 u zgjodh Vasilena Andreeva. Vasilena ka lindur në orën 00.01 më një janar në Spitalin Universitar në Pleven. Zonjusha e re është e gjatë 53 centimetra dhe peshon 4.250 kg. Dy foshnjat e tjera janë gjithashtu vajza. Mirëpo, për dallim nga ky vit bebja e vitit 2009 ishte djalë – Martin Gjulevi nga Svilenggradi, i lindur në orën 23.59 më 31 dhjetor. Gjithsej për dy ditët e fushatës më 31 dhjetor dhe 1 janar kanë lindur 283 foshnja, që është me rreth 20 më shumë në krahasim me fushatën e vitit të kaluar. “Numri i përgjithshëm i foshnjave të lindura gjatë vitit 2009 është 79 951 – me 2 239 më shumë sesa gjatë vitit 2008, thotë Ralica Rajkova nga revista “9 muaj” dhe shton:

“Pritjet tona u justifikuan. Më se gjysma e pavijoneve të maternitetit në spitale konstatojnë rritje të lindjeve në mënyrë të konsiderueshme në krahasim me 3 – 4 vitet e kaluara. 28 për qind prej pavijoneve kanë ruajtur përqindjen e lindjes dhe vetëm 20 për qind prej pavijoneve konstatojnë ulje të vogël të lindjeve. Në fakt problemi i këtyre 20 për qind pavijonesh është mungesa e personelit dhe e kushteve të mira, që i detyron nënat e ardhshme të kërkojnë spitale të tjera, ku të lindin dhe të ndjekin shtatzënësinë e tyre. Ky është një prej problemeve të nënave të reja, të cilat banojnë në qytetet e vogla dhe fshatra.

Urimet e shoqërisë bullgare ndaj foshnjës së fundit, të lindur gjatë vitit 2009, do të shprehen nga kampionia olimpike e kanotazhit nga Pekini Rumjana Nejkova. Kjo do të ndodhet në një ceremoni, e cila do të zhvillohet në qytetin e lindjes të Martinit, kurse familja e tij do të marrë shumë dhurata dhe një medaljon nderi nga revista “9 muaj”. Foshnja e vitit 2010 Vasilena gjithashtu do të marrë urime dhe dhurata, si dhe akoma një befasim. Për se është fjala?

“Ky është i ashtuquajturi tregimtar përrallash. Që nga koha e lashtë njerëzit u tregojnë fëmijëve të tyre përralla, në të cilat është mbledhur urtësia e brezave. – tregoi doktorja Antonia Grigorova, kryeredaktore e revistës “9 muaj”. - Sipas psikologëve gjatë rritjes së tyre fëmijët bazohen në një shkallë të madhe pikërisht mbi përvojën e këtyre përrallave dhe legjendave. Ata duan të ngjajnë me protagonistët e dashur. Shumë prej problemeve, me të cilat fëmijët ndeshen në jetë, i detyrohen pikërisht përleshjes midis realitetit dhe pritjeve përrallore. Prandaj është e rëndësishme që përrallat të cilat ua lexojmë fëmijëve tanë t’i përgjigjen realitetit. U bëmë ftesë miqve të konkursit “Bebe e vitit” dhe të revistës “9 muaj” për shkrimin e përrallave bashkëkohore me protagonistë modernë. Mendojmë se të gjithë ne nevojitemi pikërisht për një gjë të tillë – të shkruajmë një përrallë personale dhe të shënojmë mënyrat e zgjidhjes së mirë të problemeve në jetë. Çdonjëri është i ftuar për të shkruar përrallë për beben e vitit. Më të mirat prej tyre do të botohen dhe do t’i dhurohen fëmijës së nominuar dhe fëmijëve të Bullgarisë.”

Përgatiti në shqip: Vesella Mançeva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Fushata e sivjetshme “Bebe e vitit”

Më shumë nga rubrika

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Chat-i bullgar me inteligjencën artificiale BgGPT mund të shfrytëzohet falas nga të gjithë