Zgjedhja e profesionit – një dilemë midis pragmatizmit dhe krijimtarisë

botuar më 09-10-27 12.14.MD

“Çfarë profesion të zgjedh?” është pyetja, e cila qëndron para të gjithë të rinjve, që lënë prapa pakujdesisë së fëmijërisë dhe hyjnë në botën e të moshuarve. Për të mirën ose për të keqen, pothuajse gjysma e jetës së njeriut kalon në vendin e punës. Kështu që padyshim rruga drejtë lumturisë kalon edhe përmes zgjedhjes së profesionit të përshtatshëm. Disa fëmijë e kanë të qartë çfarë do të bëhen që nga vogëlia. Mirëpo, ka të tillë, të cilët për një kohë të gjatë trullosen të hutuar çfarë të gjedhin për profesion. Jo rrallë ata njerëz mbeten të pakënaqur për tërë jetën. Ëndrrat në zgjedhjen e profesionit nuk janë gjithçka. Psikologët janë kategorik, se zgjedhja duhet të jetë në përputhje edhe me veçoritë individuale. Shpesh herë në ato çaste prindërit ndërhyjnë në jetën e fëmijëve, por nuk mund të thuhet, se ata janë këshilltarët më të mirë. Një gabim bëjnë ata prindër, që dëshirojnë t’u imponojnë fëmijëve vullnetin e tyre të prirë nga ambicione të parealizuara. Mirëpo ka një kategori të rinj dhe të reja, të cilët zgjedhin profesion, në të cilin mund të kombinojnë krijimtarinë me pragmatizmin.

Një zgjedhje e tillë ka bërë Denica, e cila tani është nxënëse e klasës së XI në Shkollën Kombëtare të Arteve Figurative “Akademik Ilija Petrov” specialitetin “Pikturim”. Lidhur me këtë ajo tregon: “Në Shkollën tonë ka specialitete të ndryshme interesante – “Pikturim”, “Skulpturë”, “Grafikë”, “Grafika kompjuterike”. Unë e zgjodha specialitetin “Pikturim”. Kam dëshirë që pas mbarimit të shkollës të orientohem te dizajni dhe të punojë në fushën e reklamës.”

Denica është e bindur, se me gjithë dëshirën e madhe të vizatojë, ajo nuk do të jetë në gjendje të nxjerrë bukën e gojës me këtë punë. Një qëndrim të tillë shpreh edhe docenti Johan Jotov – pedagog i grafikës në Akademinë Kombëtare të Arteve Figurative. Ai është anëtar i Komitetit të Kujdestarisë pranë Shkollës Kombëtare të Arteve Figurative “Akademik Ilija Petrov”, sepse edhe biri i tij mëson në të:

“Është e vërtetë, se me çdo vit që po kalon nuk shfaqet interes ndaj profesionit të piktori. Është fakt, se ulet numri i të rinjve, që kanë dëshirë të mësojnë në shkollën ose në akademinë e arteve figurative. Në të kaluarën jo të largët, puna e piktorit dhe qëndrimi ndaj tij nga ana e shoqërisë ishte krejt e ndryshme. Piktori ishte një njeri i respektuar. Tani në kohën e ekonomisë së tregut situata u ndryshua krejtësisht. Sot nuk është rentabile, që piktori të merret vetëm me pikturim. Nga ana tjetër, një piktor mund të krijojë tërë jetën me etje dhe dashuri, por puna e tij të vlerësohet mezi pas vdekjes. Kështu që sot, nuk do të jetë e tepruar në se do të themi, se arti figurativ shndërrohet në një punë aristokratike dhe njeriu në të vërtetë duhet të jetë tepër i pasionuar pas krijimtarisë, që të vazhdojë të punojë dhe të përsoset. Biri im preferoi si specialitet grafikën. Në sajë të saj ai do të ketë mundësi të zhvillojë talentin e tij në fusha të ndryshme. Në shkollë nxënësit mësojnë teknika klasike grafike dhe forma dhe metoda moderne të grafikës, grafika digjitale dhe shtypi digjital. Thënë me fjalë të tjera, nxënësit disponojnë një bazë të pasur diturish për zhvillimin e tyre të ardhshëm profesional.”

Drejtoresha e Shkollës Kombëtare të Arteve Figurative “Akademik Ilija Petrov” Marija Landova është optimiste për realizimin profesional të nxënësve të saj. Ajo e argumentoi qëndrimin e vet kështu:

“Një perceptim i afirmuar për pamjen e piktorit është,
se ai është një njeri artistik me berete, i cili e mban në duart një palete dhe vizaton peizazhe. Mirë po ky është një përfytyrim i gabuar. Piktorët janë kudo. Në fakt mbarë bota është fryt i punës së tyre. Duke filluar me këpucët dhe veshjet, deri në sendet e zakonshme që shfrytëzojmë në jetën e përditshme – të gjitha këto janë vepra të krijimtarisë njerëzore. Pas mbarimit të shkollës shumë nxënës fillojnë të punojnë si dizajnerë. Është fakt, se specialistët kompjuterik nuk janë në gjendje të projektojnë ndonjë model, ose të bëjnë një reklamë të ndonjë produkti. Për këtë njeriu duhet të ketë mendim krijues dhe talent. Dhe pikërisht ato veçori formojmë te nxënësit tanë në procesin e mësimdhënies. Nxënësit e Shkollës Kombëtare të Arteve Figurative jo vetëm që kanë shije dhe talent, por ata mund të krijojnë. Duke marrë parasysh faktin, se ata zotërojnë gjuhën universale të arteve figurative, ata janë në gjendje të punojnë kudo në botë.”

Përgatiti në shqip: Svetllana Dimitrova

По публикацията работи: Krasimir Martinov

Последвайте ни и в Google News Showcase, за да научите най-важното от деня!

Ndaje

Zgjedhja e profesionit – një dilemë midis pragmatizmit dhe krijimtarisë

Më shumë nga rubrika

Filloi Shkolla Verore e Gjuhës Bullgare në Tiranë

Specialistët e filologjisë franceze në vendin tonë kanë mundësi të mira për realizim profesional

Ka pasur shumë interes për kontrollet mjekësore të organizuara nga Bullgaria në Kukës të Shqipërisë

Dy shkaba egjiptiane u çelën në Rodopet

Për çfarë është dhe kujt i duhet një vizë e tipit A?

Festa e Fluturave në Pollska Skakavica mblodhi së bashku adhuruesit e natyrës së egër