Organizatat e punëdhënësve i dërguan një letër Ministrisë së Brendshme, Agjencisë së Sigurisë së Shtetit, Drejtorisë së Përgjithshme "Luftimi i Krimit të Organizuar", Kryeprokurorit, Prokurorisë së Specializuar dhe Prokurorisë së Sofjes, duke kërkuar një kontroll të përgjegjshëm të çmimit të lartë të rrymës elektrike për biznesin.
Sipas biznesit, çmimi i rrymës elektrike kërcënon ekonominë dhe sigurinë kombëtare të Bullgarisë. Për periudhën 27 korrik - 5 gusht 2021 në Bursën e Pavarur Bullgare të Energjisë , në platformën “Një ditë përpara”, çmimi mesatar për 1 megavat orë bazë të energjisë është në diapazonën 177.89 leva - 330.73 leva, dhe në orë të veçanta çmimi rritet madje mbi 400 leva. Kjo e bën rrymën elektrike në Bullgari më të shtrenjtë në të gjithë Evropën, me mbi 50% më të shtrenjtë se mesatarja në BE.
