Minuta para orës 12.00 filloi protestë para pronës së biznesmenit dhe bos mediatik Ivo Prokopiev në rajonin Buxhaka afër qytetit bregdetar Sozopoll. Ajo u organizua nga ish eurodeputeti Nikolaj Barekov i cili thekson, se kjo pronë u ndërtua mbi shkëmbinjtë dhe pengon qasjen e njerëzve deri në bregdet dhe Gjirin e Parajsës. Protesta nën moton “Ia ktheni Buxhakun njerëzve” mblodhi afro 20 demonstrues të cilët vunë flamurin bullgar mbi një nga gardhat e pronës. Një kontrollim i Radios Kombëtare Bullgare zbuloi se pranë pronës ka një shteg i cili çon deri te bregu i detit. Sipas kryetarit të bashkisë së qytetit Sozopoll Tihomir Janakiev ka 3 prona të cilat pengojnë qasjen te bregu i detit, por ato janë në pjesën veriore të qytetit.
