Ministria e Shëndetësisë mori masa të jashtëzakonshme për luftimin e koronavirusit. Deri më 29 mars janë të mbyllura universitetet, shkollat dhe kopshtet e fëmijëve. Ndërpriten të gjitha format dhe aktivitetet me fëmijë dhe me nxënës. Mbyllen sallat e argëtimit dhe të lojërave, diskotekat, baret, objektet dhe qendrat tregtare, restorantet. Do të punojnë vetëm dyqanet ushqimore dhe farmacitë. Ndalohen të gjitha veprimtaritë në të cilat mblidhen shumë njerëz - ato sportive, kulturore, shkencore. Të gjithë punëdhënësit sipas specifikës së punës dhe mundësive të tyre duhet të marrin vendim për formën e punës nga distanca. Ndalohen konsultimet mjekësore të fëmijëve dhe të grave, vizitat profilaktike mjekësore dhe operacionet e planifikuara.
