Drejtoria e Akademisë Bullgare të Shkencave nuk pranon “Hartën për Gjuhën Maqedonase” të miratuar nga Akademia Maqedonase e Shkencave dhe e Arteve. Në Hartë janë shënuar argumente historike dhe linguistike në mbrojtje të gjuhës zyrtare të Republikës së Maqedonisë së Veriut si një gjuhë e veçantë, e quajtur në Shkup “gjuhë maqedonase”. Dokumenti shkaktoi shumë kundërshtime shkencore dhe prandaj u shqyrtua nga drejtoria e Akademisë Bullgare të Shkencave dhe nga Instituti për Gjuhën Bullgare, nga Instituti Shkencor i Kirilit dhe Metodit dhe nga Instituti për Studimet Historike. Mendojmë se pozita e Shkupit është e pasaktë, e papranueshme dhe është në dëm të marrëdhënieve të mira midis dy vendeve fqinje. Pozita e Akademisë bullgare mbetet unanime dhe e pandryshuar – gjuha zyrtare në Republikën e Maqedonisë së Veriut është një formë e shkruar regjionale e gjuhës bullgare.
