Kompania Corinth Pipeworks, e cila është pjesë e Cenergy Holdings, fitoi ankandin për 58,2 miliona euro për furnizimin e tubave për ndërtimin e interkonektorit të gazit ndërmjet Bullgarisë dhe Greqisë. Prodhuesi grek i tubave ishte një nga tre ofruesit e shërbimit, të zgjedhur paraprakisht, tjetri u tërhoq gjatë kohës së procedurës, kurse i treti nuk iu përgjigj kërkesave teknike. Bullgaria planifikon se do të fillojë ta përdorë rrjetin 182-kilometrash për transmetimin e gazit që nga viti 2020 për importimin e gazit nga Azerbajxhani. Në këtë mënyrë Bullgaria nuk do të jetë e varur vetëm nga furnizimet ruse të gazit natyror.
