Снимка: http://frontex.europa.eu
Në Bullgari erdhi për vizitë Drejtori i ri Ekzekutiv i Agjencisë Evropiane për Menaxhimin e Bashkëpunimit Operativ nëpër kufijtë e jashtëm të vendeve-anëtare të BE (FRONTEX) Fabris Lexheri. Vizita është një nga të parët që udhëheqësi i ri i Agjencisë bën në shtet -anëtar të BE dhe bëhet në prag të nënshkrimit të Marrëveshjes për Qendër Trepalëshe për Bashkëpunimin Policor dhe Doganor midis Bullgarisë, Turqisë dhe Greqisë. Vëmendja e Fabris Lexherit ndaj Bullgarisë me siguri i detyrohet faktit, se ajo ndihmon FRONTEX-in në zhvillimin e operacioneve të specializuara dhe në vitin 2015 do të përkrahë me ekspertë operacione të Agjencisë në shtete të tjera të BE. Gjatë bisedimeve të zhvilluara miku dha sigurime, se nga ana e saj FROTEX është gati të mbështetë Bullgarinë kundër rritjes eventuale të fluksit të refugjatëve nga ana e Detit të Zi. Për një rrezik të tillë raportoi para pak kohe Rumania, ndërsa vet FRONTEX regjistroi devijimin e trafikut të imigrantëve ilegalë drejt Mesdheut Lindor dhe po shqyrton mundësinë që të dërgojë mision të saj, nën emrin “Posejdon”, për mbikëqyrje të kufijve rrugorë dhe detarë të Bullgarisë-Turqisë, Greqisë-Turqisë, Rumanisë-Turqisë. Përpara vizitës së tij në Sofje Fabris Lexheri u angazhua të japë përgjigje zyrtare pyetjeve: si Agjencia FRONTEX vlerëson situatën me fluksin e refugjatëve në Bullgari, çfarë projekte mund të realizohen për konsolidimin e sigurisë nipër kufirin bullgaro-turk, që është i jashtëm i BE, a parashikohet në rast të komplikimit eventual të situatës gjatë verës së 2015 të sigurojë ekipe evropiane të ndërhyrjes së shpejtë në ruajtjen e kufirit detar dhe tokësor bullgaro-turk, a shqyrtohet mundësia për dhënie ndihmë teknike Bullgarisë për forcimin e sigurisë nëpër kufirin e saj me Turqinë? Të gjitha këto pyetje janë me rëndësi për Bullgarinë. Bisedimet e shefit të ri të Agjencisë në Sofje do të ndihmojnë qe sa më parë të marrim përgjigje konkrete për to.
Përgatiti në shqip: Sofia Popova
Последвайте ни и в
Google News Showcase, за да научите най-важното от деня!
