Për herë të dytë disa firma bullgare u dalluan në përpunimin e produkteve inovative. Çmimet i shpërndan Dhoma Bullgare e Tregtisë dhe Industrisë. Fakti se aq shumë firma marrin pjesë në konkurs flet vetë për zhvillimin e kushteve ekonomike në vend.
Idetë e firmave kanë të bëjnë me efikasitetin energjetik dhe mbrojtjen e mjedisit. Nën 10 për qind e firmave të anketuara kanë deklaruar se do të japin mjete monetare prej buxhetit të tyre për studim dhe përpunim të aplikacioneve të reja. Dhoma Bullgare e Tregtisë dhe Industrisë shpërndan çmime në këto dy kategori: firma me produktet më të suksesshme inovative dhe projekti më i mirë inovativ. Qëllimi është që të optimizohet prodhueshmëria dhe të përmirësohet cilësia e procesit të punës.
Në kategorinë e firmës me produktet më të suksesshme inovative u dallua “Mobile Systems”, SH. A. Kompania ka krijuar produkte inovative të softuerit – një aplikacion elektronik me anë të të cilit shitet 90 për qind e produkteve të firmës në tregun botëror. Ky aplikacion është konkurrent i Google-it dhe Microsoft-it. Kompania bullgare nuk është e madhe për nga stafi, por është shumë e kërkuar në fushën e komunikacioneve dhe pajisjeve mobile në botë. Çdo ditë miliona klientë nga mbarë bota përdorin produktin bullgar të softuerit sepse është instaluar fabrikisht në pajisjet mobile të kompanive ndërkombëtare.
Në kategorinë e produktit më të mirë inovativ fitoi “Instituti i Metaleve” pranë Akademisë Bullgare të Shkencave. Instituti ka prodhuar një izolues termik nga mbeturinat prej qelqi.
“Ne punojmë mbeturinat prej qelqi të ricikluara, shpjegon Prof. Ljuben Llakov. – Bëhet fjalë për mbeturinat prej qelqi për të cilin qelq nuk ka sistem të organizuar të përpunimit në Bullgari. Ky produkt ka efekt mbi ekonominë, sepse kostoja e energjisë për bërjen e produktit është disa herë më e vogël dhe ja nga vijnë kursimet. Fitimi varet nga përmasa e prodhimit. Izoluesi termik do të përdoret në rehabilitimin e ndërtesave, izolimin e ngrohjes dhe zhurmës si dhe në zjarrfikje. Nga një ton qelq prodhohen materiale prej 7 metrash kub. Qelqi nuk absorbon ujë, nuk ndizet dhe i reziston kohës. Jemi duke kërkuar firma të cilat ta realizojnë prodhimin. Kemi kontaktuar po ashtu me Katedrën e Materialeve Ndërtimore të Universitetit të Ndërtimit nga presin që produkti ynë të nxirret në treg për të prezantuar atë në mësimdhënie.”
Përgatiti në shqip: Anna Kapitanova
