Nëntë kilometra në lindje të qendrës së Sofjes ndodhet pallati “Vrana”. Në vitin 2011 Simeon Sakskoburgota, ish kryeministri i Bullgarisë, dhe princesha Marija Luiza ia dhuruan kompleksin Bashkisë së kryeqytetit me qëllim hapjen e muzeut, arkivit dhe bibliotekës së specializuar, të kushtuar historisë së dinastisë mbretërore. Nga data 12 deri më 14 shtator parku madhështor i pallatit do të kumbojë nga kryevepra prej thesarit botëror muzikor. Festivali “Ndau muzikën” do ta takojë publikun me tre dirigjentë të dalluar në tre mbrëmje me radhë.
“Mund të thuhet se koncertet janë një premierë për Bullgarinë – tregon drejtori i Filarmonisë së Sofjes z. Javor Dimitrov. – Ideja e Filarmonisë së Sofjes dhe e Bashkisë së Kryeqytetit është të krijohet një skenë e re në prag të ditës së Sofjes (më 17 shtator), ku të tingëllojë kryesisht muzikë klasike. Projekti është analog me mbrëmjet në parkun e Akademisë Ushtarake, organizuar nga Opera Kombëtare. Ideja lindi në një bisedë me Kryetaren e Bashkisë sonë znj. Jordanka Fandëkova. Jam i lumtur, se ajo e pranoi me mirëkuptim dhe ja tani ndodhemi në prag të festivalit. Ditën e pare do të ketë program me pjesëmarrjen e kryedirigjentit të filarmonisë Martin Pantellev dhe sopranos Vera Girginova. Kemi zgjedhur vepra që janë të dashur për adhuruesit e muzikës klasike. Shpresoj, se atmosfera romantike e pallatit do të kontribuojë për këtë që të pranishmit të ndihen në mënyrë komode.”
Fragment nga “Ishulli”, int. Filarmonia e Sofjes, muz. Martin PanteleevDownload
Update Required
To play the media you will need to either update your browser to a recent version or update your Flash plugin.
Në programin e mbrëmjes së parë është përfshirë vepra e Martin Pantellevit “Ishulli”. Për të Javor Dimitrovi tregon: “Kjo është një vepër që para pak kohe e përfshimë në repertorin e filarmonisë dhe ajo i pëlqeu shumë publikut. Me të prezantojmë kryedirigjentin tonë si kompozitor. Ai ka biografinë e vet të mirë në këtë fushe edhe jashtë shtetit. Martini është autor, i cili drejton krijimtarinë e vet ndaj adhuruesve të muzikës humane. Ajo mban nuanca romantike, të gërshetuara me elemente impresioniste.”
Aria e Kavaradosit nga opera “Toska”, muz. Xhakomo Puçini, int. Mihail Mihajllov me Filarmoninë e Sofjes, dirigjent Martin PanteleevDownload
Update Required
To play the media you will need to either update your browser to a recent version or update your Flash plugin.
Mbase pallati “Vrana” ende është në proces të rikonstruksionit, koncertet do të mbahen në skenë të hapur në vet parkun e kompleksit. Ky fakt imponon kufizim në numrin e vizituesve – janë siguruar rreth 350 vende. “Bëhet fjalë për një monument të kulturës, këto rrethana përkufizojnë edhe karakterin e programit – thotë Javor Dimitrovi. – Ideja e mbrëmjes së dytë është takimi i brezave, pikërisht midis Filarmonisë së Sofjes dhe Filarmonisë “Pionier” nën dirigjimin e Maksim Eshkenazi. Realizuam këtë projekt me sukses në sallën “Bëllgaria”. Duam të tregojmë përsëri, se Filarmonia e Sofjes është një institut i cili ndihmon dhe u jep dorë kolegëve të saj të rinj. Gjatë natës së tretë do të marrë pjesë Kori Kombëtar i Filarmonisë “Svetosllav Obretenov”. Stina e ardhshme muzikore do të kalojë nën shenjen e tij, sepse mbushen 70 vjet nga themelimi i tij. Ky koncert final i programit të festivalit “Ndau muzikën” do të jetë nën dirigjimin e Ljubka Biagioni, ndërsa solistë do të jenë sopranoja Marta Torbidoni dhe tenori Mihaill Mihajllov. Shpresoj, se bashkë me publikun nën qiell të hapur do të kënaqmi me interpretimet e mrekullueshme të orkestrës sonë, e cila mbron kriteret e larta për muzikën simfonike.”
