"Lule në një epruvetë" - një startup i bioteknologjisë tregon historinë dhe fuqinë e shpirtit njerëzor

"Lule në një epruvetë" është një projekt inovativ që krijon një produkt të ri duke përdorur bioteknologjinë bimore. Megjithatë, ai bën më shumë se kaq - tregon një histori për fuqinë e mendjes dhe zemrës njerëzore. Ideja është e Petër Neftelimov, një i ri i lindur me paralizë cerebrale. Në vitin 2020, kur ishte student në degën e bioteknologjisë në Fakultetin e Biologjisë të Universitetit të Sofjes, i lindi ideja që t’i bëjë bimët të lulëzojnë in vitro. 

Projektit iu bashkuan edhe katër studentë të biologjisë molekulare. Sipas ekipit, kjo është një mënyrë për t'ua paraqitur shkencën njerëzve në një mënyrë interesante dhe argëtuese. Ata morën një financim programor në shumën 15 mijë leva (rreth 7. mijë euro) dhe gjetën një laborator ku të zbatojnë idenë. 

Më vonë, u krijua një kompani për të shpërndarë praktikisht "Lule në një epruvetë". Për idenë e Petër Neftelimov ka 5 vjet që ka një interes të pandërprerë si nga personat e veçantë, ashtu edhe nga klientët e korporatave.

Përpiloi: Gergana Mançeva

Foto: Facebook/cvetevepruvetka

Përgatiti në shqip dhe publikoi: Vesella Mançeva