Në Bruksel po dëgjojnë kandidaten bullgare për komisionere evropiane, Ekaterina Zaharieva

Kandidatja bullgare për komisionere evropiane për “Startups, Kërkime dhe Inovacione” Ekaterina Zaharieva sot do të dëgjohet nga Komisioni për Industri, Kërkime Shkencore dhe Energji, ndërsa në seancën u ftua edhe Komisioni për Kulturë. Seancat dëgjimore të kandidatë komisionerëve, që nisën më 4 nëntor, zgjasin 3 orë, të cilat mund të shtyhen në 4 nëse ka më shumë pyetje dhe marrëveshje politike për ta bërë këtë. Për fjalimin hyrës të kandidatit janë caktuar 15 minuta. Ndër prioritetet kryesore të Ekaterina Zaharievës, të treguara në letrën e saj motivuese, është që investimet në veprimtarinë kërkimore-zhvillimore të arrijnë në 3% të produktit të brendshëm bruto të BE-së. Sipas saj, kjo do të bëhet me rritjen e fondeve evropiane, mobilizimin e kapitalit privat dhe zhvillimin e partneritetit publiko-privat, shkruan BTA.

Komisioni i ri pritet të marrë detyrën më 1 dhjetor.