SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe si kompozitor, ka qenë këngëtar në grup për më shumë se dhjetë vjet. Ka qenë Vlladi ai që ka shkruar muzikën dhe tekstin e këngës së fundit të SLNG – “Gënjeshtra dhe të vërteta”, videoklipi i së cilës do të ketë premierën zyrtare para publikut sonte në një klub në godinën e Bibliotekës Metropolitane. Aty muzikantët do të prezantojnë live për herë të parë këngën e tyre të re, si dhe disa nga hitet e tyre të mëdha.
Vlladi Mihajllov përveç se është këngëtar dhe autor këngësh, është edhe një aktor mjaft i njohur nga ekrani televiziv dhe kinematografik. Ai ka tërhequr për xhirimin e klipit për këngën aktorët me të cilët luan në serialin hit “Vëllezërit” – Martin Dimitrov, Radosllav Vlladimirov dhe Sara Draguleva – Artistët e rinj kanë vendosur të dhurojnë të drejtat e tyre nga videoja për një qëllim bamirësie.
Sipas Vlladi Mihajllovit, kënga ka një mesazh - flet për ndarjen mes nesh në rrjetet sociale, ku është shumë e lehtë të tregosh urrejtje dhe të nënçmosh besimet e tjetrit. Për sa i përket muzikës, tingulli ngjan me atë të viteve 80 të shekullit të 20-të, thotë bateristi i SLNG Aleks Llazarov:
"Ka një model që po vendoset tani nga i cili ne jemi të ndikuar në një farë mënyre. Natyrisht, ai i ka rrënjët në vitet '80 dhe '90 - më shumë nga vitet '80, sepse ne të gjithë jemi adhurues të muzikës që është bërë në vitet '80, jo vetëm të muzikës rock. Dhe në këngën e re "Gënjeshtra dhe të vërteta" stili i viteve 80 është shumë i dukshëm. Sigurisht, duke pasur parasysh se tani jemi në vitin 2024, duhet të ketë diçka edhe nga një perspektivë më moderne. Pra, rezultati i këtij hibridi që kemi bërë është pikërisht në “Gënjeshtra dhe të vërteta”, dhe ne jemi shumë të lumtur për këtë."
Përgatiti në shqip dhe publikoi: Vesella Mançeva
25 vjet muzikë, 25 vjet histori, 25 vjet forcë lëvizëse në industrinë muzikore bullgare - e gjithë kjo festohet nga muzikantët e formacionit D2 me një koncert në Pallatin Kombëtar të Kulturës. "Njëqind vjet" dhe grupi në zë D2 Grupi u..
"Bota është një test për ne. Bota është stres dhe mëkat..." - këndon frontmeni i grupit OSTAVA Svilen Noev në këngën "Test", me të cilën ata eksplorojnë botën e ndryshuar dhe dashurinë. Së fundmi muzikantët prezantuan videoklipin e këngës së fundit nga..
Në folklorin bullgar ka shumë këngë kushtuar Shën Gjergjit Fitimtar . Një prej tyre, e cila medoemos interpretohet më 6 maj, është kënga e njohur rome e quajtur "Ederlezi", siç është emri rom i festës së shenjtorit. Këngën mund ta quajmë himnin..
Borisllav /Bobi/ Ivançev është një muzikant i ndikuar shumë nga magjia e radios. Ai është i njohur si pjesë e duetit “Avenue”, dhe kënga e tij e parë..
"Sillvia" është një version i ri i një kënge të përjetshme të një prej dueteve më të njohura të viteve 80-të - Vëllezërit Argirovi. Kënga është..