Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për shembull, prania e personelit ushtarak amerikan në Sofje shkaktoi shqetësime se forcat amerikane po vendoseshin në Bullgari. Pohimi u hodh poshtë nga Ekipi i Kontrollit të Fakteve të BNR-së, i cili konstatoi se kalimi i ushtarakëve ishte një procedurë standarde.
Për të shmangur keqinterpretimet, Ministria bullgare e Mbrojtjes paralajmëron rregullisht për procedura të tilla të planifikuara, siç është lëvizja e pajisjeve ushtarake dhe personelit ushtarak, që zakonisht është e nevojshme për stërvitje dhe parada.
Megjithatë, pavarësisht paralajmërimeve për autokolona ushtarake që kalojnë rrugët, përdoruesit e rrjeteve sociale vazhdojnë të përhapin panik duke thënë se ushtarët bullgarë po përgatiten për t'u dërguar në fushën e betejës në Ukrainë.
Për shembull, në një video të datës 12 mars të shpërndarë gjerësisht në Facebook, shihen kamionë me regjistrim të huaj që transportojnë pajisje të rënda ushtarake. Në përshkrimin e klipit thuhet se është ai është filmuar rrugës për në Sliven dhe po transportohen tanqe. Autori i videos pyet “Për çfarë janë dhe a mos po na bëjnë gati të na kthejnë në copa thëngjilli në fushën e betejës?”.
Komentuesit nën video i perceptojnë pamjet në mënyra të ndryshme, por më shpesh u komentuan si veprime për dërgimin e pajisjeve ushtarake në Ukrainë.
Prandaj, ekipi i verifikimit të fakteve të BNR-së vendosi të kontrollojë besueshmërinë e kësaj teorie.
Pohimi: Më 12 mars, kamionë të huaj transportuan tanqe përmes territorit tonë deri në Ukrainë
Në përgjigje të BNR-së, qendra e shtypit e Ministrisë së Mbrojtjes sqaroi se në datën 12 mars, kur dyshohet se është filmuar videoja e publikuar, po kryhej ridislokimi i mjeteve luftarake të këmbësorisë, që në fakt janë pajisjet e filmuara në video.
Që në 8 mars, qendra e shtypit e Ministrisë së Mbrojtjes shpërndau informacione për lëvizjen e ardhshme të personelit dhe pajisjeve ushtarake përgjatë rrjetit rrugor republikan në lidhje me rotacionin e formacioneve ushtarake nga ushtritë aleate që marrin pjesë në stërvitje të përbashkët me ushtarakë nga ushtria bullgare.
“Personeli ushtarak i Forcave Tokësore të SHBA-së do të transportohet nga 10 marsi deri në fund të muajit nga aeroportet civile në kryeqytet dhe vend”, thekson gjithashtu Ministria e Mbrojtjes.
Në periudhën 11-17 mars të këtij viti Pajisjet ushtarake të kontingjentit italian nga Grupi Luftarak Shumëkombësh i NATO-s në Bullgari lëvizën përgjatë rrjetit rrugor republikan nga kufiri me Republikën e Greqisë deri në terrenin e stërvitjes "Novo Sello" (rajoni Sliven). Autokolona u shoqëruan nga ekipe të shërbimit “Policia Ushtarake”.
Të premten, më 22 mars, Ministria Bullgare e Mbrojtjes paralajmëroi sërish për lëvizjen e pajisjeve ushtarake:
“Në javën e fundit të marsit dhe në fillim të prillit 2024, personeli ushtarak dhe pajisjet ushtarake nga kontingjenti ushtarak bullgar, i cili do t'i bashkohet Komandës Rajonale “Perëndim” të operacionit të Forcave Stabilizuese të NATO-s në Kosovë (KFOR), do të lëvizin përgjatë rrjetit rrugor republikan në drejtim të kufirit me Republikën e Maqedonisë së Veriut. Autokolonat do të shoqërohen nga ekipe të Shërbimit “Policia Ushtarake”, thuhet në njoftim.
KONKLUZION
Deklarata se më 12 mars pajisje ushtarake u transportuan në Ukrainë përmes territorit tonë është e RREME. Në këtë ditë, u krye ridislokimi i automjeteve luftarake të këmbësorisë në lidhje me formacionin e forcave ushtarake nga ushtritë aleate, të cilat marrin pjesë në stërvitjen e përbashkët me ushtarakët e ushtrisë bullgare.
-------------------
Ekipi i kontrollit të fakteve të BNR-së merr përsipër të kontrollojë shprehjet që mund të mashtrojnë dëgjuesit dhe lexuesit për tema të rëndësishme. Ju mund të dërgoni sinjale në reporter@bnr.bg. Lexoni materiale të tjera nga Ekipi i Kontrollit të Fakteve të BNR-së në https://bnr.bg/factcheck
Foto: EPA, BGNES, Elementi i Shtabit për Integrimin e Forcave të NATO-s në Bullgari
Përpiloi: Ekipi i BNR-së i Kontrollit të Fakteve
Përgatiti në shqip dhe publikoi: Kostandina Bello
Më 9 qershor në Bullgari do të mbahen njëkohësisht zgjedhjet për Parlamentin Evropian dhe Kuvendin Popullor. Presidenti Rumen Radev vendimin e bëri të ditur gjatë konsultimeve me partitë politike, pasi Dimitër Gllavçev i prezantoir ministrat..
Kandidati për kryeministër të përkohshëm Dimitër Gllavçev ia prezantoi përbërjen e qeverisë së përkohshme kreut të shtetit Rumen Radev dhe përfaqësuesve të forcave politike në Kuvendin Popullor, pa BSP-në. Kryeministri - Dimitër Glavçev..
Bullgaria nisi rrugën drejt zgjedhjeve të gjashta të parakohshme parlamentare brenda tre viteve. Kjo u bë e qartë pasi të tre mandatet për formimin e qeverisë iu kthyen presidentit të paplotësuara. Deri para pak kohësh, në rreshtat e..
Gatishmërinë për të votuar më 9 qershor kanë deklaruar 40% e të anketuarve në një anketë përfaqësuese kombëtare nga agjencia “Alfa Research”...
Për arsye shëndetësore, ambasadori bullgar në Rusi Atanas Krëstin nuk do të marrë pjesë në ceremoninë e inaugurimit të Vladimir Putin për mandatin e pestë..