Pas romanit “Strehim kohe”, me të cilin shkrimtari Georgi Gopodinov dhe përkthyesja e romanit në anglisht Angela Rodel fituan çmimin prestigjioz “Booker”, lexuesit britanikë mund të njihen me një libër tjetër të Georgi Gospodinov – “Fizika e trishtimit”.
“Fizika e trishtimit” u botua për herë të parë në ishull së bashku me kujtimet e tij prej 80 faqesh. Lidhur me këtë, shkrimtari i tha “The Guardian” se një roman nuk duhet të jetë një tren që lëviz nga pika A deri në pikën B dhe mund të devijojë si mendimi ynë. I pyetur se si është Bullgaria si një vend për të shkruar, Gospodinov thotë se për të është një vend i gjallë me shumë histori të patreguara për shkak të kulturës së heshtjes që erdhi nga epoka komuniste, kur ishte më e sigurt të mos thuash mendimin tënd. Ai tregon se botimet e tij të para serioze kanë përkuar me vitet pas vitit 1989, të cilat ishin të mbushura me një energji dhe ndjenjën e komunitetit, si në një karnaval.
Lidhur me deklaratën e futbollistit të madh bullgar Hristo Stoiçkov i cili e krahasoi çmimin “Booker” të Gospodinovit me “Topin e Artë” të fituar nga futbollisti, autori është përgjigjur se ai ka qenë ndër të parët që e ka uruar.
Ju kujtojmë se romani i Georgi Gospodinovit “Fizika e trishtimit” është përkthyer edhe në gjuhën shqipe nga shkrimtarja, përkthyesja dhe gazetarja Milena Selimi, e cila ka rrënja bullgare dhe aktualisht është përfaqësuese e pakicës bullgare në Komitetin për Pakicat Kombëtare në Republikën e Shqipërisë.
Lexoni më tepër:
Një riprodhim i dorëshkrimit të peshkopit Petër Bogdan "Për lashtësinë e atdheut dhe për çështjet bullgare" - traktati i parë historik për Bullgarinë, që i paraprin gati një shekull të famshmes "Historia sllave bullgare" nga At Paisij , u prezantua..
Interesi për studimin akademik të gjuhës bullgare në Sllovaki daton gati një shekull më parë. Në vitin 1919 u themelua Universiteti Comenius në Bratislavë. Dy vite më vonë u krijua Fakulteti Filozofik ku studiohen të gjitha degët humanitare. Aty, gjatë..
Violinisti bullgar me famë botërore Vasko Vasilev dhe solistët nga Orkestra e Operës Mbretërore “Kovent Garden” do të mbajnë një koncert klasik akustik më 26 maj në sallën “Gustav Eiffel” të Kullës Eifel. Muzikantë nga 5 kombësi do të jenë së bashku në..
Një riprodhim i dorëshkrimit të peshkopit Petër Bogdan "Për lashtësinë e atdheut dhe për çështjet bullgare" - traktati i parë historik për Bullgarinë,..