Kompania globale Equinix hapi qendrën e dytë për të dhëna në Sofje. Investimi është në përmasë 19 milion dollarë. Qëllimi është të ndihmojë biznesin t’i përshtatet më lehtë dhe më shpejtë infrastrukturës IT. Godina do të shfrytëzojë 100 për qind energji të gjelbër – praktikë e imponuar nga kompania që me ndërtimin e qendrës së parë të saj në kryeqytetin bullgar në vitin 2016.

Infrastrukturë me përmasa të tilla do të shihet për herë të parë tek ne. Pritet që impianti i ri të stimulojë investitorët që dëshirojnë të zgjerojnë veprimtarinë e tyre në Evropën Lindore dhe në Lindjen e Mesme. Qendra do t’u sigurojë kompanive lidhje me partnerët, kalim të lehtë te teknologjitë e reve dhe akses te tregje të reja në mbarë botën. Impianti i ri do t’u japë mundësi klientëve në rajon të realizojnë strategjinë e vet për transformim digjital.