Në një bisedë telefonike me kryeministrin Bojko Borisov kryeministrja e Britanisë së Madhe Theresa May ka drejtuar kërkesë për bashkëveprim për të arritur më shumë fleksibilitet të BE-së gjatë bisedimeve të lidhura me kufirin mes Irlandës së Veriut dhe Republikës së Irlandës dhe për arritjen e marrëveshjes për Brexit deri më 29 mars.

Borisovi ka premtuar përkrahjen e një marrëveshjeje që do të garantojë ruajtjen e marrëdhënieve të mira ndërmjet Britanisë së Madhe, Bashkimit Evropian dhe 27 shteteve-anëtare.

Sipas kryeministrit bullgar ajo duhet të garantojë sigurinë dhe bashkëpunimin e mire në këtë sferë, kështu edhe të mbrojë statusin e shtetasve të BE-së në Mbretërinë e Bashkuar dhe të shtetasve britanikë në BE. Dhe jo në vend të fundit, Bopjko Borisovi ka deklaruar se në lidhje me kufirin mes Irlandës së Veriut dhe Republikës së Irlandës me rëndësi është që politikanët të mos lejojnë shkallëzimin e tensionit apo shkeljen e paqes.